Zań men tártip ideologiiasyn nyǵaitý maqsatynda, QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamenti men Túrkistan oblysynyń ákimdiginiń uiymdastyrýymen «Adal urpaq – ult bolashaǵy» atty respýblikalyq jas aqyndardyń jyr músháirasy ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sybailas jemqorlyqqa qarsy mádenietti qalyptastyrý jáne adaldyq qundylyqtaryn nasihattaý, shyǵarmashylyq belsendilikti arttyrý maqsatynda uiymdastyrylǵan sharaǵa respýblikalyq mańyzy bar qalalar men oblystardan jas aqyndar qatysty.
Baiqaýǵa qatysýshylar «Adal urpaq – ult bolashaǵy» jáne «Túrlengen, gúldengen Túrkistan» taqyrybyndaǵy shyǵarmalaryn usyndy. Sonymen qatar jas aqyndar Uly Jeńistiń 80 jyldyǵyn eleýsiz qaldyrmai, beibit ómir syilaǵan ardagerlerge qurmet kórsetip, erlikterin jyrǵa qosty.
Rýhani sharanyń ashylýynda QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń basshysy Murat Tóleýbaev, oblys ákiminiń orynbasary Ertai Altaev sóz sóilep, aqyndarǵa sáttilik tiledi. Sondai-aq jastar arasynda sybailas jemqorlyqqa qarsy qundylyqtardy nasihattaý, «Adal urpaq» erikti mektep klýbtarynyń jumystaryn belsendi iske asyrýǵa tartý búgingi kúnniń mańyzdy jumysy ekenin atap ótti.
Baiqaýdyń aqtyq saiysyna ótken jas aqyndardyń arasynan túrli nominatsiialar boiynsha jeńimpazdar anyqtaldy. Naqtyraq aitsaq, qazylar alqasynyń sheshimimen 1-oryndy atyraýlyq jas aqyn Dolores Rýslanqyzy jeńip aldy. Al 2-oryn Shymkent qalasynan kelgen Aqsúikim Izbasar men túrkistandyq Aibek Berdishke buiyrsa, 3-oryn Abai óńirinen Adina Omarǵazina men Túrkistan oblysynan Qasymhan Isahanǵa berildi.
Músháirada jas aqyndarǵa aitysker aqyn Áselhan Qalybekova, qalamger Qanybek Sarybaev atyndaǵy júldeler men oblystyq Qoǵamdyq damý basqarmasynyń arnaiy júldeleri tapsyryldy. Odan bólek 7 qatysýshyǵa yntalandyrý syilyqtary men alǵys hattar tabys etildi.
Aita keteiik, baiqaý «Altyn orda» qaiyrymdylyq qoǵamdyq qorynyń qoldaýymen ótti.
