Túrkistan oblysynyń ákimdiginde Mindetti áleýmettik saqtandyrý júiesine halyqty tartý jónindegi shtab otyrysy ótti. Májilisti oblys ákiminiń orynbasary Beisenbai Tájibaev júrgizip otyrdy. Óńirlik shtabqa jaýapy basqarmalardyń basshylary men ókilderi, aýdan jáne qala ákimderiniń orynbasarlary onlain-oflain formatta qatysty. Kún tártibinde MÁMS júiesine turǵyndardy qamtý jáne aqparattandyrý máselesi qaraldy,- dep habarlaidy Dalanews.kz
Taqyrypqa qatysty «Áleýmettik meditsinalyq saqtandyrý qory» KeAQ Túrkistan oblysy boiynsha filialynyń basshysy Baqyt Ismahanbetov baiandama jasap, saqtandyrylǵan turǵyndar dinamikasyn tanystyrdy. Málimdeýinshe, óńir kóleminde 2025 jyldyń maýsym aiyndaǵy jaǵdai boiynsha meditsinalyq uiymdarǵa tirkelgen azamattar sany — 2 mln 74 myńnan astam. Onyń ishinde saqtandyrylǵandar sany — 83,4% bolsa, saqtandyrylmaǵandar sany — 16,6%. Bul kórsetkish ótken jyldyń dál osy kezeńimen salystyrǵanda jáne ózge aimaqtarǵa qonys aýdarǵandardy qosa alǵanda 29 myń adamǵa tómendegeni belgili boldy.
Aýdan, qala kesindisindegi statistikada Otbasynyń tsifrlyq kartasy tizimi turaqty ózektendirilip, jańartylady. Filial jetekshisi MÁMS jarnalaryn tóleý mehanizmi jáne qate tólengen jarnalardy qaitarý algoritmi bar ekenin aitty. Ótinishterdi joldaý qaǵaz júzinde, Egov portaly jáne mobildi qosymshasy arqyly júrgiziledi.
2025 jyldyń 2 toqsanynyń qorytyndysyna sáikes turǵyndar tarapynan jalpy 350-den astam aryz-shaǵym kelip túsken. Beisenbai Dáýletuly árbir talap-tilekti nazarǵa alyp, jumys júrgizýdi júktedi. Oblys ákiminiń orynbasary jumysty tiisti deńgeide atqarmaǵan aýdan, qalalardyń jaýapty basshylaryna eskertý aityp, jandandyrýdy tapsyrdy. Mindetti áleýmettik meditsinalyq saqtandyrý júiesi halyqtyń múddesi úshin qajet ekenin eske saldy. Halyqty MÁMS júiesimen qamtamasyz etý men aqparattyq-túsindirý sharalary jalǵasady.
