Túrkistan. Ustazdar tájiribe almasý úshin Túrkiiaǵa attandy
Bul jobanyń maqsaty – baýyrlas ári qandas ózara tatý eki el – Táýelsiz Qazaqstan men Túrkiia Respýblikasy arasyndaǵy bilim jáne ǵylym salasyndaǵy bailanystaryn damytý, ortaq qundylyǵymyz – Qoja Ahmet Iasaýi muralarynyń keńinen nasihattalýyna úles qosý. Sonymen qosa, Elbasynyń biylǵy Joldaýdaǵy ustaz mártebesin kóterý týraly tapsyrmasyn oryndap, uzaq jyldar eńbek etken muǵalimniń eńbegin baǵalaý, sondai-aq bilimin jetildirip qaitýyna jaǵdai jasaý.
Quzyrly mekeme mamandarynyń aitýynsha, bul joldama kez kelgen muǵalimge berilmeidi. Joldama alý úshin arnaiy talap eskerilgen. Otandyq muǵalimder ózge memleketterden kelgen áriptesterimen júzbe-júz kezdesip, bilim deńgeiin arttyryp, tájiribe almasady. Aldaǵy ýaqytta bul joba jalǵasyn tabady dep josparlanýda. Ótken jyly oblystan 150-ge jýyq ardaqty ustaz shet elge attanǵan bolatyn.
Túrkistan oblysy ákiminiń baspasóz qyzmeti
