بۇل جوبانىڭ ماقساتى – باۋىرلاس ءارى قانداس ءوزارا تاتۋ ەكى ەل – تاۋەلسىز قازاقستان مەن تۇركيا رەسپۋبليكاسى اراسىنداعى ءبىلىم جانە عىلىم سالاسىنداعى بايلانىستارىن دامىتۋ، ورتاق قۇندىلىعىمىز – قوجا احمەت ياساۋي مۇرالارىنىڭ كەڭىنەن ناسيحاتتالۋىنا ۇلەس قوسۋ. سونىمەن قوسا، ەلباسىنىڭ بيىلعى جولداۋداعى ۇستاز مارتەبەسىن كوتەرۋ تۋرالى تاپسىرماسىن ورىنداپ، ۇزاق جىلدار ەڭبەك ەتكەن ءمۇعالىمنىڭ ەڭبەگىن باعالاۋ، سونداي-اق ءبىلىمىن جەتىلدىرىپ قايتۋىنا جاعداي جاساۋ.
قۇزىرلى مەكەمە ماماندارىنىڭ ايتۋىنشا، بۇل جولداما كەز كەلگەن مۇعالىمگە بەرىلمەيدى. جولداما الۋ ءۇشىن ارنايى تالاپ ەسكەرىلگەن. وتاندىق مۇعالىمدەر وزگە مەملەكەتتەردەن كەلگەن ارىپتەستەرىمەن جۇزبە-جۇز كەزدەسىپ، ءبىلىم دەڭگەيىن ارتتىرىپ، تاجىريبە الماسادى. الداعى ۋاقىتتا بۇل جوبا جالعاسىن تابادى دەپ جوسپارلانۋدا. وتكەن جىلى وبلىستان 150-گە جۋىق ارداقتى ۇستاز شەت ەلگە اتتانعان بولاتىن.
تۇركىستان وبلىسى اكىمىنىڭ باسپا ءسوز قىزمەتى
