Aitýly jiynǵa QR Parlamentiniń depýtattary, Ózbekstan Respýblikasynan arnaiy delegatsiia ókilderi, oblys ákimi men oblystyq máslihat depýtattary, ziialy qaýym men jýrnalister, etnomádeni birlestikterdiń músheleri qatysty.
Merekelik sharada oblys ákimi Janseiit Túimebaev kópshilikti merekemen quttyqtap, eldegi yntymaq pen birlikti nyǵaitýdyń, tatýlyq pen turaqtylyqty saqtaýdyń mańyzyna toqtaldy.
– Túrkistan oblysyndaǵy 2 millionǵa jýyq turǵynnyń 16 paiyzyn ózbek etnosynyń ókilderi quraidy. Oblys aýmaǵynda 14 mektep ózbek tilinde bilim berse, 130-dan astam mektepte ózbek tilindegi oqý synyptary bar. Odan bólek, oblystyq ózbek drama teatry men birqatar basylymdar jumys atqarady. Bul turǵyda elimiz Konstitýtsiiamyzda kórsetilgen mindetterdi tolyqqandy júzege asyryp keledi. Memleket basshysy Nursultan Ábishuly Nazarbaev: «Birlik, yntymaq, sabyrlylyq pen parasattylyq, eń aldymen, ózimizge kerek. Birligimiz bolsa, biz bir-birimizdi syilaimyz. Buǵan deiin osylai bolǵan, budan keiin de solai bolýǵa tiis» degen bolatyn. Birliktiń qadirin bilý, ony tereńinen túisiný, baiypty baǵamdaý sizder men bizderge júktelip otyrǵan aýqymdy mindet ekenin uǵynýǵa mindettimiz. Barshańyzǵa sáttilik, otbasylaryńyzǵa amandyq, baq-bereke tileimin, – dedi Janseiit Qanseiituly.
Saltanatty sharada ózbek etnomádeni birlestigi janyndaǵy shyǵarmashylyq ujymdar kópshilik qaýymǵa kontserttik baǵdarlama usyndy. Sondai-aq, mereke aiasynda Túrkistan qalasyndaǵy «Lokomotiv» ortalyq stadionda qazaqstandyq «Ordabasy» jáne ózbekstandyq «Pahtakor» komandalarynyń ardager oiynshylary arasynda joldastyq kezdesý ótti.
Aitýly shara otandyq jáne ózbekstandyq estrada juldyzdarynyń qatysýymen ótetin gala-kontsertpen aiaqtalady.
Túrkistan oblysy ákiminiń baspasóz qyzmeti
