ايتۋلى جيىنعا قر پارلامەنتٸنٸڭ دەپۋتاتتارى, ٶزبەكستان رەسپۋبليكاسىنان ارنايى دەلەگاتسييا ٶكٸلدەرٸ, وبلىس ەكٸمٸ مەن وبلىستىق مەسليحات دەپۋتاتتارى, زييالى قاۋىم مەن جۋرناليستەر, ەتنومەدەني بٸرلەستٸكتەردٸڭ مٷشەلەرٸ قاتىستى.
مەرەكەلٸك شارادا وبلىس ەكٸمٸ جانسەيٸت تٷيمەباەۆ كٶپشٸلٸكتٸ مەرەكەمەن قۇتتىقتاپ, ەلدەگٸ ىنتىماق پەن بٸرلٸكتٸ نىعايتۋدىڭ, تاتۋلىق پەن تۇراقتىلىقتى ساقتاۋدىڭ ماڭىزىنا توقتالدى.
– تٷركٸستان وبلىسىنداعى 2 ميلليونعا جۋىق تۇرعىننىڭ 16 پايىزىن ٶزبەك ەتنوسىنىڭ ٶكٸلدەرٸ قۇرايدى. وبلىس اۋماعىندا 14 مەكتەپ ٶزبەك تٸلٸندە بٸلٸم بەرسە, 130-دان استام مەكتەپتە ٶزبەك تٸلٸندەگٸ وقۋ سىنىپتارى بار. ودان بٶلەك, وبلىستىق ٶزبەك دراما تەاترى مەن بٸرقاتار باسىلىمدار جۇمىس اتقارادى. بۇل تۇرعىدا ەلٸمٸز كونستيتۋتسييامىزدا كٶرسەتٸلگەن مٸندەتتەردٸ تولىققاندى جٷزەگە اسىرىپ كەلەدٸ. مەملەكەت باسشىسى نۇرسۇلتان ەبٸشۇلى نازارباەۆ: «بٸرلٸك, ىنتىماق, سابىرلىلىق پەن پاراساتتىلىق, ەڭ الدىمەن, ٶزٸمٸزگە كەرەك. بٸرلٸگٸمٸز بولسا, بٸز بٸر-بٸرٸمٸزدٸ سىيلايمىز. بۇعان دەيٸن وسىلاي بولعان, بۇدان كەيٸن دە سولاي بولۋعا تيٸس» دەگەن بولاتىن. بٸرلٸكتٸڭ قادٸرٸن بٸلۋ, ونى تەرەڭٸنەن تٷيسٸنۋ, بايىپتى باعامداۋ سٸزدەر مەن بٸزدەرگە جٷكتەلٸپ وتىرعان اۋقىمدى مٸندەت ەكەنٸن ۇعىنۋعا مٸندەتتٸمٸز. بارشاڭىزعا سەتتٸلٸك, وتباسىلارىڭىزعا اماندىق, باق-بەرەكە تٸلەيمٸن, – دەدٸ جانسەيٸت قانسەيٸتۇلى.
سالتاناتتى شارادا ٶزبەك ەتنومەدەني بٸرلەستٸگٸ جانىنداعى شىعارماشىلىق ۇجىمدار كٶپشٸلٸك قاۋىمعا كونتسەرتتٸك باعدارلاما ۇسىندى. سونداي-اق, مەرەكە اياسىندا تٷركٸستان قالاسىنداعى «لوكوموتيۆ» ورتالىق ستاديوندا قازاقستاندىق «ورداباسى» جەنە ٶزبەكستاندىق «پاحتاكور» كوماندالارىنىڭ ارداگەر ويىنشىلارى اراسىندا جولداستىق كەزدەسۋ ٶتتٸ.
ايتۋلى شارا وتاندىق جەنە ٶزبەكستاندىق ەسترادا جۇلدىزدارىنىڭ قاتىسۋىمەن ٶتەتٸن گالا-كونتسەرتپەن اياقتالادى.
تٷركٸستان وبلىسى ەكٸمٸنٸڭ باسپاسٶز قىزمەتٸ
