Ózbekstan Respýblikasynyń Qazaqstan Respýblikasyndaǵy Bas konsýldyǵynyń Bas konsýly Abrar Fathýllaev pen Qazaqstan ózbekteri «Dýstlik» qaýymdastyǵynyń tóraǵasy Ikram Hashimjanov ta Túrkistannyń túrlenip kele jatqanyna qýanyshty ekenderin jetkizdi.
2018 jyl Qazaqstanda Ózbekstan jyly dep atalyp ótkeni belgili. Osy bastamalar aiasynda baýyrlas halyqtardyń jaqyndastyǵyn tereńdetýge septigin tigizetin túrli is-sharalar uiymdastyrylǵan bolatyn. Sonyń jalǵasy retinde Túrkistanda uiymdastyrylǵan mádeni basqosýǵa kórermender qyzyǵýshylyǵy joǵary boldy.
Ózbekstandyq rejisserler kórsetilim barysynda Shyńǵys Aitmatovtyń qissasy aiasynda túsirilgen «Sarvkomat Dilbarim» kórkem filmin jurtshylyq nazaryna usyndy. Sondai-aq, qazaqtyń uly aqyny Abai Qunanbaevtyń balalyq shaǵy, qorshaǵan ortasy, shyǵarmashylyǵy jóninde muraǵat qujattaryn qoldanyp túsirilgen «Slovo Abaia» derekti filmi de túrkistandyqtarǵa kórsetildi. Bul týyndynyń rejisseri — Shýhrat Mahmýdov. «O’zbekfilm» kinostýdiiasy túsirgen «Oikiz» ertegisi de kórermenderdiń oń baǵasyn aldy.
Túrkistan oblysy ákiminiń baspasóz qyzmeti
