– Túrkistan oblysy – qazaq dalasyna qanshama daryndardy syılaǵan kıeli meken. Ánimen keń dalany terbetip, Qazaq válsiniń koroly atanǵan, Qazaqstan Ánuranynyń avtory Shámshi Qaldaıaqovtyń bıyl týǵanyna 90 jyl tolyp otyr.
Otyrarda týyp, án padıshahy atanǵan, qaıtalanbas daryn ıesiniń esimin ulyqtaý – bizge artylǵan abyroıly mindet. Túrkistan qalasynyń jańa ortalyǵynda boı kótergen kompozıtordyń eskertkishi – oblys jurtshylyǵyna, qazaq eline mereke qarsańynda tamasha tartý bolyp otyr, – dedi oblys ákimi.
Qoladan quıylǵan eskertkishtiń bıiktigi – 2,5 metr, uzyndyǵy – 3,5 metr. Avtory – Qazaqstannyń Eńbek sińirgen óner qaıratkeri, kásibı sheber músinshi Tileýberdi Bınashev. Eskertkish demeýshiler esebinen jasaldy.
Kompozıaǵa keler bolsaq, bul – Qaldaıaqovtyń shyǵarmashylyq oı ústinde otyrǵan sáti. Sazger beınesiniń jas jetkinshekterdi ónerge, mádenıetke baýlıtyn «Aqjaıyq» mýzyka mektebiniń aýlasynda boı kóterýi – zańdylyq. Halyqtyń sýretke túsýine, jaqynyraq kelip kórýine yńǵaıly.
Qazaq rýhanıatynyń jandanýyna ólsheýsiz úles qosyp, búkir qazaq jerin terbetken Shámshi beınesi jas ónerpazdardy izgilikke baǵyttaıtyn baǵdary bolary sózsiz. Túrki jurtynyń rýhanı astanasy – Túrkistan qalasynda daryndy tulǵalardyń esimi ulyqtalýy – qazaq rýhanıatyndaǵy ilkimdi istiń biri.
Túrkistan oblysy ákiminiń baspasóz qyzmeti
