Tólebi aýdany Birinshi Mamyr aýyldyq okrýgi Alǵabas eldi mekeninde "Shymkenttsement" JShS-i biznestiń áleýmettik jaýapkershiligi aiasynda sport kesheniniń qurylysyn aiaqtap, el igiligine paidalanýǵa usyndy, dep habarlaidy Dalanews.kz
Qurylysy 2023 jyldyń qazan aiynda bastalǵan sport keshenine 88 mln teńge investitsiia tartylǵan.
Merekelik jiynǵa arnaiy qatysqan QR Parlamenti májilisiniń tórtinshi shaqyrylymdaǵy depýtaty Sáýirbai Esjanov, aýdan ákimi Erkeǵali Álimqulov, aýdandyq máslihat tóraǵasy Nurlan Qoibaǵarov, "Shymkenttsement" JShS direktory Ivan Pak qatysyp, okrýg halqynyń qýanyshyna ortaqtasty.
Memleket basshysy Qasym-Jomart Kemeluly «Qazaqstan Respýblikasynyń keibir zańnamalyq aktilerine dene shynyqtyrý jáne sport, sondai-aq artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy. Zań memlekettiń dene shynyqtyrý jáne sport salasyn damytý saiasatyn jetildirýge baǵyttalǵan.
Sondai-aq Prezident óz sózinde «Qazir salamatty ómir saltyn nasihattap, buqaralyq sportty damytý airyqsha mańyzdy. Ásirese, balalardyń sportpen ainalysýyna jaǵdai jasaý qajet. Munyń bári halyqtyń densaýlyǵyn jaqsartýǵa múmkindik beredi. Memleket sport infraqurylymyn jetildirýge kóp kóńil bóledi» dedi.
Sport salasyn órkendetýge memlekettik-jekemenshik áriptestik tásilin keńinen qoldaný baǵytynda jumystar atqarylýda. Kásipkerlerimiz de bundai bastamalardy biznestiń áleýmettik jaýapkershiligi sheńberinde tabysty júzege asyryp, jer-jerlerde jańa sport keshenderin salýda, sporttyq uiymdardyń infraqurylymyn damytýda.
«El mereiin – er arttyrady, er mereiin – el arttyrady» degen qanatty sóz bar halqymyzda. Elimizde sońǵy jyldary qol jetkizgen jetistikterimiz ben shyqqan asýlarymyz da az emes. Sonyń ishinde sport salasynda da eleýli jetistikterge qol jetkizýdemiz, dedi quttyqtaý sózinde aýdan ákimi Erkeǵali Amantaiuly.
Aýdan turǵyndarynyń sportpen turaqty túrde shuǵyldanýyna yqpal jasaý jáne ultaralyq qatynastardy nyǵaitý maqsatynda qazirdiń ózinde 371 sporttyq nysan jumys isteidi.
Sonyń ishinde: 1-«Jastyq» stadiony, 1-taý shańǵy bazasy, 2-júzý basseini, 3-sport kesheni, 1-«Báisheshek» oqý jattyǵý ortalyǵy, 55-sport zaldar, 1-mekteptik ashyq sporttyq kompleks, 8-myltyq atý tirleri, 5-sporttyq manej, 282 - jazyqtyq alańshalar, 13-beiimdelgen sport zaldar bar.
Saltanatty sharada Tólebi aýdanynda buqaralyq sportty damytýǵa, turǵyndardyń salaýatty ómir saltyn ustanyp, balalardyń dene shynyqtyrýymen ainalysýyna qoldaý kórsetken birqatar azamattarǵa aýdan ákiminiń jáne aýdandyq máslihat tóraǵasynyń "Alǵys haty" tabys etildi.
Merekelik jiynǵa arnaiy kelgen Qazaqstan Respýblikasynyń Eńbek sińirgen qairatkeri, Daryn memlekettik syilyǵynyń laýreaty Altynai Jorabaeva, dástúrli ánshi Narkenje Serikbaeva, aýdan ónerpazdary ónerimen halyqtyń yqylasyna bólendi.
