تولەبي اۋدانى ءبىرىنشى مامىر اۋىلدىق وكرۋگى العاباس ەلدى مەكەنىندە "شىمكەنتسەمەنت" ءجشس-ى بيزنەستىڭ الەۋمەتتىك جاۋاپكەرشىلىگى اياسىندا سپورت كەشەنىنىڭ قۇرىلىسىن اياقتاپ، ەل يگىلىگىنە پايدالانۋعا ۇسىندى، دەپ حابارلايدى Dalanews.kz
قۇرىلىسى 2023 جىلدىڭ قازان ايىندا باستالعان سپورت كەشەنىنە 88 ملن تەڭگە ينۆەستيسيا تارتىلعان.
مەرەكەلىك جيىنعا ارنايى قاتىسقان ق ر پارلامەنتى ءماجىلىسىنىڭ ءتورتىنشى شاقىرىلىمداعى دەپۋتاتى ءساۋىرباي ەسجانوۆ، اۋدان اكىمى ەركەعالي ءالىمقۇلوۆ، اۋداندىق ءماسليحات ءتوراعاسى نۇرلان قويباعاروۆ، "شىمكەنتسەمەنت" ج ش س ديرەكتورى يۆان پاك قاتىسىپ، وكرۋگ حالقىنىڭ قۋانىشىنا ورتاقتاستى.
مەملەكەت باسشىسى قاسىم-جومارت كەمەل ۇلى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت، سونداي-اق ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. زاڭ مەملەكەتتىڭ دەنە شىنىقتىرۋ جانە سپورت سالاسىن دامىتۋ ساياساتىن جەتىلدىرۋگە باعىتتالعان.
سونداي-اق پرەزيدەنت ءوز سوزىندە «ءقازىر سالاماتتى ءومىر سالتىن ناسيحاتتاپ، بۇقارالىق سپورتتى دامىتۋ ايرىقشا ماڭىزدى. اسىرەسە، بالالاردىڭ سپورتپەن اينالىسۋىنا جاعداي جاساۋ قاجەت. مۇنىڭ ءبارى حالىقتىڭ دەنساۋلىعىن جاقسارتۋعا مۇمكىندىك بەرەدى. مەملەكەت سپورت ينفراقۇرىلىمىن جەتىلدىرۋگە كوپ كوڭىل بولەدى» دەدى.
سپورت سالاسىن وركەندەتۋگە مەملەكەتتىك-جەكەمەنشىك ارىپتەستىك ءتاسىلىن كەڭىنەن قولدانۋ باعىتىندا جۇمىستار اتقارىلۋدا. كاسىپكەرلەرىمىز دە بۇنداي باستامالاردى بيزنەستىڭ الەۋمەتتىك جاۋاپكەرشىلىگى شەڭبەرىندە تابىستى جۇزەگە اسىرىپ، جەر-جەرلەردە جاڭا سپورت كەشەندەرىن سالۋدا، سپورتتىق ۇيىمداردىڭ ينفراقۇرىلىمىن دامىتۋدا.
«ەل مەرەيىن – ەر ارتتىرادى، ەر مەرەيىن – ەل ارتتىرادى» دەگەن قاناتتى ءسوز بار حالقىمىزدا. ەلىمىزدە سوڭعى جىلدارى قول جەتكىزگەن جەتىستىكتەرىمىز بەن شىققان اسۋلارىمىز دا از ەمەس. سونىڭ ىشىندە سپورت سالاسىندا دا ەلەۋلى جەتىستىكتەرگە قول جەتكىزۋدەمىز، دەدى قۇتتىقتاۋ سوزىندە اۋدان اكىمى ەركەعالي امانتاي ۇلى.
اۋدان تۇرعىندارىنىڭ سپورتپەن تۇراقتى تۇردە شۇعىلدانۋىنا ىقپال جاساۋ جانە ۇلتارالىق قاتىناستاردى نىعايتۋ ماقساتىندا ءقازىردىڭ وزىندە 371 سپورتتىق نىسان جۇمىس ىستەيدى.
سونىڭ ىشىندە: 1-«جاستىق» ستاديونى، 1-تاۋ شاڭعى بازاسى، 2ء-جۇزۋ باسسەينى، 3-سپورت كەشەنى، 1-«بايشەشەك» وقۋ جاتتىعۋ ورتالىعى، 55-سپورت زالدار، 1-مەكتەپتىك اشىق سپورتتىق كومپلەكس، 8-مىلتىق اتۋ تيرلەرى، 5-سپورتتىق مانەج، 282 - جازىقتىق الاڭشالار، 13-بەيىمدەلگەن سپورت زالدار بار.
سالتاناتتى شارادا تولەبي اۋدانىندا بۇقارالىق سپورتتى دامىتۋعا، تۇرعىنداردىڭ سالاۋاتتى ءومىر سالتىن ۇستانىپ، بالالاردىڭ دەنە شىنىقتىرۋىمەن اينالىسۋىنا قولداۋ كورسەتكەن ءبىرقاتار ازاماتتارعا اۋدان اكىمىنىڭ جانە اۋداندىق ءماسليحات ءتوراعاسىنىڭ "العىس حاتى" تابىس ەتىلدى.
مەرەكەلىك جيىنعا ارنايى كەلگەن قازاقستان رەسپۋبليكاسىنىڭ ەڭبەك سىڭىرگەن قايراتكەرى، دارىن مەملەكەتتىك سىيلىعىنىڭ لاۋرەاتى التىناي جورابايەۆا، ءداستۇرلى ءانشى ناركەنجە سەرىكبايەۆا، اۋدان ونەرپازدارى ونەرىمەن حالىقتىڭ ىقىلاسىنا بولەندى.
