Tólebı aýdanynda jalpy óńirlik ónim kólemi 2025 jyldyń 5 aıynda 53,1 mlrd teńgege jetti. Onyń 57,2 paıyzy - ónerkásip, 21,9 paıyzy - aýyl sharýashylyǵy, 18,7 paıyzy - saýda jáne 2,2 paıyzy - qurylys salasyna tıesili. Bul týraly brıfıńte Tólebı aýdanynyń ákimi Erkeǵalı Álimqulov málimdedi,- dep habarlaıdy Dalanews.kz
«Bıyl qańtar-mamyr aılarynda negizgi kapıtalǵa 13,1 mlrd teńge ınvestısıa tartylyp, 2024 jyldyń tıisti kezeńimen salystyrǵanda 4,5 mlrd teńgege ósken. Al, ónerkásip óniminiń kólemi 30,4 mlrd teńgege jetti. Bıyl ónerkásip salasyna jalpy quny 6,5 mlrd teńgeni quraıtyn 180 jańa jumys ornymen 4 iri ınvestısıalyq jobany iske asyrý josparlanyp otyr. Atap aıtqanda, Tóńkeris eldi mekenindegi Baldyberek ózeniniń janynda qýattylyǵy 3,2 mVt/saǵ quraıtyn «Taýenergo» JSHS-ń shaǵyn GES qurylysy jáne Sarqyrama eldi mekeni Aqsý ózeniniń janynda qýattylyǵy 2 mVt/saǵ quraıtyn «Jasyl Quat» JSHS-ń shaǵyn GES qurylysy. Sondaı-aq, Leńgir qalasynda jylyna 90 myń qysqy arnaıy jumys kıimderin daıyndaıtyn «KAZPLAST» JSHS-ń tigin fabrıkasy men «Z-Energetık SNG» JSHS-ń shaǵyn GES qurylysy», - dedi aýdan basshysy.
Sonymen qatar, aımaqta ınvestısıalyq áleýetti kóterý maqsatynda Shymkent qalasymen shekaralas ornalasqan Kıelitas aýyldyq okrýgindegi 100 gektar jerge ındýstrıaldy aımaq qurý boıynsha jumystar júrgizilýde. Sondaı-aq, Kıelitas aýyldyq okrýginen 14 gektar jerge shaǵyn óndiristik park salý josparlanýda. Óndiristik parkte jalpy quny 20 mlrd teńgeni quraıtyn 5 iri ınvestısıalyq jobany iske asyrý jáne 400 jańa jumys ornyn kózdelgen. «Eńbek naryǵyn damytýdyń 2024-2029 jyldarǵa» arnalǵan tujyrymdamasy aıasynda 2025 jyldyń 5 aıynda 2 476 jumys orny ashylǵan. Onyń ishinde 676-sy turaqty, 1800-i ýaqytsha jumys oryndary.
«Aýdanda týrızm salasynda qyzmet kórsetetin 254 nysan bar. 2025 jyldyń 5 aıynda aýdanǵa 22 500 demalýshy kelgen. 2025 jyly jalpy quny 4,2 mlrd teńgeni quraıtyn 12 týrısik nysandy iske qosyp, 151 adamdy jumyspen qamtý josparlanǵan. Aımaqta 10 831 shaǵyn jáne orta kásip ıeleri bar. Olarda 14 405 adam jumyspen qamtylsa, atalǵan salada 2025 jyldyń 5 aıynda 41,3 mlrd teńgeniń ónimi óndirilgen. Budan bólek, aımaqta turǵyn úı kezegindegi azamattardy úımen qamtý maqsatynda aldaǵy 3 jylda 10 kópqabatty 520 páterli turǵyn úı salý josparlanǵan. Odan bólek, 5 qabatty 156 páterli 3 turǵyn úıdiń qurylysy bıyl aıaqtalatyn bolady. Al, ınfraqurylymmen qamtý boıynsha aýdannyń 55 eldi mekenniń turǵyndary 100 paıyz tabıǵı gazben qamtamasyz etilgen. Sondaı-aq, 55 eldimekenge ortalyqtandyrylǵan aýyz sý qubyry júrgizilgen. Aýdandyq mańyzy bar 170 shaqyrym joldyń qanaǵatty jaǵdaıdaǵy úlesi 95,6%-ǵa jetti», - dedi aýdan ákimi.
