تولەبي اۋدانىندا جالپى وڭىرلىك ءونىم كولەمى 2025 جىلدىڭ 5 ايىندا 53،1 ملرد تەڭگەگە جەتتى. ونىڭ 57،2 پايىزى - ونەركاسىپ، 21،9 پايىزى - اۋىل شارۋاشىلىعى، 18،7 پايىزى - ساۋدا جانە 2،2 پايىزى - قۇرىلىس سالاسىنا تيەسىلى. بۇل تۋرالى بريفينگتە تولەبي اۋدانىنىڭ اكىمى ەركەعالي ءالىمقۇلوۆ مالىمدەدى،- دەپ حابارلايدى Dalanews.kz
«بيىل قاڭتار-مامىر ايلارىندا نەگىزگى كاپيتالعا 13،1 ملرد تەڭگە ينۆەستيسيا تارتىلىپ، 2024 جىلدىڭ ءتيىستى كەزەڭىمەن سالىستىرعاندا 4،5 ملرد تەڭگەگە وسكەن. ال، ونەركاسىپ ءونىمىنىڭ كولەمى 30،4 ملرد تەڭگەگە جەتتى. بيىل ونەركاسىپ سالاسىنا جالپى قۇنى 6،5 ملرد تەڭگەنى قۇرايتىن 180 جاڭا جۇمىس ورنىمەن 4 ءىرى ينۆەستيسيالىق جوبانى ىسكە اسىرۋ جوسپارلانىپ وتىر. اتاپ ايتقاندا، توڭكەرىس ەلدى مەكەنىندەگى بالدىبەرەك وزەنىنىڭ جانىندا قۋاتتىلىعى 3،2 مۆت/ساع قۇرايتىن «تاۋەنەرگو» جشس-ڭ شاعىن گەس قۇرىلىسى جانە سارقىراما ەلدى مەكەنى اقسۋ وزەنىنىڭ جانىندا قۋاتتىلىعى 2 مۆت/ساع قۇرايتىن «Jasyl Quat» جشس-ڭ شاعىن گەس قۇرىلىسى. سونداي-اق، لەڭگىر قالاسىندا جىلىنا 90 مىڭ قىسقى ارنايى جۇمىس كيىمدەرىن دايىندايتىن «KAZPLAST» جشس-ڭ تىگىن فابريكاسى مەن «ز-ەنەرگەتيك سنگ» جشس-ڭ شاعىن گەس قۇرىلىسى»، - دەدى اۋدان باسشىسى.
سونىمەن قاتار، ايماقتا ينۆەستيسيالىق الەۋەتتى كوتەرۋ ماقساتىندا شىمكەنت قالاسىمەن شەكارالاس ورنالاسقان كيەلىتاس اۋىلدىق وكرۋگىندەگى 100 گەكتار جەرگە يندۋستريالدى ايماق قۇرۋ بويىنشا جۇمىستار جۇرگىزىلۋدە. سونداي-اق، كيەلىتاس اۋىلدىق وكرۋگىنەن 14 گەكتار جەرگە شاعىن وندىرىستىك پارك سالۋ جوسپارلانۋدا. وندىرىستىك پاركتە جالپى قۇنى 20 ملرد تەڭگەنى قۇرايتىن 5 ءىرى ينۆەستيسيالىق جوبانى ىسكە اسىرۋ جانە 400 جاڭا جۇمىس ورنىن كوزدەلگەن. «ەڭبەك نارىعىن دامىتۋدىڭ 2024-2029 جىلدارعا» ارنالعان تۇجىرىمداماسى اياسىندا 2025 جىلدىڭ 5 ايىندا 2 476 جۇمىس ورنى اشىلعان. ونىڭ ىشىندە 676-سى تۇراقتى، 1800ء-ى ۋاقىتشا جۇمىس ورىندارى.
«اۋداندا تۋريزم سالاسىندا قىزمەت كورسەتەتىن 254 نىسان بار. 2025 جىلدىڭ 5 ايىندا اۋدانعا 22 500 دەمالۋشى كەلگەن. 2025 جىلى جالپى قۇنى 4،2 ملرد تەڭگەنى قۇرايتىن 12 تۋريستىك نىساندى ىسكە قوسىپ، 151 ادامدى جۇمىسپەن قامتۋ جوسپارلانعان. ايماقتا 10 831 شاعىن جانە ورتا كاسىپ يەلەرى بار. ولاردا 14 405 ادام جۇمىسپەن قامتىلسا، اتالعان سالادا 2025 جىلدىڭ 5 ايىندا 41،3 ملرد تەڭگەنىڭ ءونىمى وندىرىلگەن. بۇدان بولەك، ايماقتا تۇرعىن ءۇي كەزەگىندەگى ازاماتتاردى ۇيمەن قامتۋ ماقساتىندا الداعى 3 جىلدا 10 كوپقاباتتى 520 پاتەرلى تۇرعىن ءۇي سالۋ جوسپارلانعان. ودان بولەك، 5 قاباتتى 156 پاتەرلى 3 تۇرعىن ءۇيدىڭ قۇرىلىسى بيىل اياقتالاتىن بولادى. ال، ينفراقۇرىلىممەن قامتۋ بويىنشا اۋداننىڭ 55 ەلدى مەكەننىڭ تۇرعىندارى 100 پايىز تابيعي گازبەن قامتاماسىز ەتىلگەن. سونداي-اق، 55 ەلدىمەكەنگە ورتالىقتاندىرىلعان اۋىز سۋ قۇبىرى جۇرگىزىلگەن. اۋداندىق ماڭىزى بار 170 شاقىرىم جولدىڭ قاناعاتتى جاعدايداعى ۇلەسى 95،6%-عا جەتتى»، - دەدى اۋدان اكىمى.
