Túrkistan qalasynda «TURKISTAN INVESTMENT AND TOURISM FORUM – 2024» halyqaralyq investitsiialyq forýmy ótýde. Mańyzdy sharada salalyq taqyryptar boiynsha paneldik sessiialar uiymdastyryldy. Forýmǵa qatysýshy QHR jáne elimizdiń biznes saparshylary men kóshbasshylary ózderin qyzyqtyrǵan sala boiynsha sessiialarǵa qatysyp, tájiribe bólisti. Ózara pikir almasyp, usynystaryn jetkizdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Tsifrlyq transformatsiialar» taqyrybynda ótken paneldik sessiiada qatysýshylar Túrkistan oblysynyń tsifrlyq damýy týraly óz oilaryn ortaǵa saldy. Otyrysty «Techno Woman» kommertsiialyq emes uiymynyń basqarma tóraiymy Aziza Shýjeeva júrgizip otyrdy.
Kezdesýde alǵysóz alǵan Túrkistan oblysy ákimi apparatynyń basshysy Erkeǵali Álimqulov forýmǵa qatysýshylarǵa alǵysyn jetkizip, óńirdiń investitsiialyq múmkindikterin tanystyrdy. Jańa ideialar men bastamalar Túrkistan qalasyn innovatsiialyq damyǵan qala retinde qalyptastyrýyna eleýli úles qosatynyna senim bildirdi. Óńirde tsifrlandyrý salasyn damytý úshin investitsiialyq alańdarda birlesken jobalardy júzege asyrýǵa shaqyrdy.
Memleket basshysy Qasym-Jomart Toqaev halyqqa arnalǵan Joldaýynda tsifrlandyrý jáne elimizde innovatsiialardy engizý máselelerine erekshe nazar aýdarýdy tapsyrdy. IT salasyndaǵy bilikti mamandardy daiarlaý arqyly Qazaqstandy IT elge ainaldyrý strategiialyq mindetiniń mańyzdylyǵyn atap ótti. Bul baǵytta Túrkistan oblysynda qarqyndy jumystar júrgizilip, jańa bastamalar qolǵa alynǵan.
Halyq tyǵyz ornalasqandyqtan, aimaq úlken kadrlyq áleýetke ie. Túrkistan qalasynda «Turkistan IT hub» ortalyǵy ashyldy. Bul – IT salasyndaǵy kásipkerlerdiń, jas mamandardyń, investorlardyń yntymaqtastyǵy úshin jaǵdai jasalǵan ashyq alań. Munda startaptardy damytýǵa, ideialardy iske asyrýǵa tolyq múmkindik bar.
Budan bólek, Túrkistan qalasynda koreialyq «Výsong» ýniversitetiniń filialy ashylmaq. «Výsong» ýniversiteti jańa bilim berý standarttaryn ákelip qana qoimai, sonymen qatar aimaq ekonomikasynyń damýyna yqpal etetin innovatsiialyq jobalardy qurýdyń bastamasy bolady.
Sonymen qatar, Túrkistan oblysy ákimi Darhan Satybaldy qytailyq IT kompaniia ókilderimen tehnologiialyq park ashý týraly kelissózder júrgizgen bolatyn. Kelissózder nátijesinde qurylysy josparlanyp otyrǵan tehnologiialyq park aimaqtyń ekonomikalyq jáne indýstriialyq damýy úshin strategiialyq mańyzdy jobalardyń birine ainalmaq. Joba sheńberinde elektronika, kompiýterlik jabdyqtar, elektr jabdyqtary, optikalyq kabelder, turmystyq tehnika jáne elektromobilderdi jóndeý men tehnikalyq qyzmet kórsetý oryndaryn, sondai-aq elektromobilderge arnalǵan qýattaý stantsiialaryn qurý kózdelip otyr.
