تۇركىستان قالاسىندا «TURKISTAN INVESTMENT AND TOURISM FORUM – 2024» حالىقارالىق ينۆەستيسيالىق فورۋمى وتۋدە. ماڭىزدى شارادا سالالىق تاقىرىپتار بويىنشا پانەلدىك سەسسيالار ۇيىمداستىرىلدى. فورۋمعا قاتىسۋشى قحر جانە ەلىمىزدىڭ بيزنەس ساپارشىلارى مەن كوشباسشىلارى وزدەرىن قىزىقتىرعان سالا بويىنشا سەسسيالارعا قاتىسىپ، تاجىريبە ءبولىستى. ءوزارا پىكىر الماسىپ، ۇسىنىستارىن جەتكىزدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
«سيفرلىق ترانسفورماسيالار» تاقىرىبىندا وتكەن پانەلدىك سەسسيادا قاتىسۋشىلار تۇركىستان وبلىسىنىڭ سيفرلىق دامۋى تۋرالى ءوز ويلارىن ورتاعا سالدى. وتىرىستى «Techno Woman» كوممەرسيالىق ەمەس ۇيىمىنىڭ باسقارما ءتورايىمى ازيزا شۋجەيەۆا جۇرگىزىپ وتىردى.
كەزدەسۋدە ءالعىسوز العان تۇركىستان وبلىسى اكىمى اپپاراتىنىڭ باسشىسى ەركەعالي ءالىمقۇلوۆ فورۋمعا قاتىسۋشىلارعا العىسىن جەتكىزىپ، ءوڭىردىڭ ينۆەستيسيالىق مۇمكىندىكتەرىن تانىستىردى. جاڭا يدەيالار مەن باستامالار تۇركىستان قالاسىن يننوۆاسيالىق دامىعان قالا رەتىندە قالىپتاستىرۋىنا ەلەۋلى ۇلەس قوساتىنىنا سەنىم ءبىلدىردى. وڭىردە سيفرلاندىرۋ سالاسىن دامىتۋ ءۇشىن ينۆەستيسيالىق الاڭداردا بىرلەسكەن جوبالاردى جۇزەگە اسىرۋعا شاقىردى.
سەسسيا بارىسىندا «Hikvision» كومپانياسىنىڭ ديرەكتورىنىڭ ورىنباسارى تيمون ما، «Hikvision» كومپانياسىنىڭ «ءقاۋىپسىز قالا» باعىتىنىڭ باسشىسى قۇمباسوۆ الماس، «Intelligent flight technology» كومپانياسىنىڭ باسقارما ءتورايىمى دانسيا سيۋ، «Hainan business» كومپانياسىنىڭ باسقارما ءتوراعاسى ساي تۋنسين، ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەملەكەتتىك قىزمەتتەر كوميتەتى ءتوراعاسىنىڭ ورىنباسارى نادير قۇرىمبايەۆ،«Astana Hub» كومپانياسىنىڭ باس ديرەكتورىنىڭ كەڭەسشىسى دانابەك قالياجداروۆ، وزبەكستان رەسپۋبليكاسىنداعى «School 21» مەكتەبىنىڭ باس ديرەكتورى زارينا لۋحمانوۆا، «Alaqan technologies» كومپانياسىنىڭ باسقارۋشى ديرەكتورى اسلان تولەگەنوۆ ءوز تاجىريبەلەرىمەن ءبولىستى. وبلىستىق سيفرلاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ باسشىسى مارات اينابەكوۆ وڭىردە باستاۋ العان «Alaqan» جوباسىنىڭ تيىمدىلىگى تۋرالى ايتتى. ەكى ەلدىڭ بيزنەس جانە جەرگىلىكتى اتقارۋشى بيلىك ورگاندارىنىڭ وكىلدەرى ەكىجاقتى قارىم-قاتىناستى نىعايتۋعا سەرپىن بەرەتىن پەرسپەكتيۆالى جوبالاردى تالقىلادى.
مەملەكەت باسشىسى قاسىم-جومارت توقايەۆ حالىققا ارنالعان جولداۋىندا سيفرلاندىرۋ جانە ەلىمىزدە يننوۆاسيالاردى ەنگىزۋ ماسەلەلەرىنە ەرەكشە نازار اۋدارۋدى تاپسىردى. IT سالاسىنداعى بىلىكتى مامانداردى دايارلاۋ ارقىلى قازاقستاندى IT ەلگە اينالدىرۋ ستراتەگيالىق مىندەتىنىڭ ماڭىزدىلىعىن اتاپ ءوتتى. بۇل باعىتتا تۇركىستان وبلىسىندا قارقىندى جۇمىستار جۇرگىزىلىپ، جاڭا باستامالار قولعا الىنعان.
حالىق تىعىز ورنالاسقاندىقتان، ايماق ۇلكەن كادرلىق الەۋەتكە يە. تۇركىستان قالاسىندا «تurkءىstan IT hub» ورتالىعى اشىلدى. بۇل – IT سالاسىنداعى كاسىپكەرلەردىڭ، جاس مامانداردىڭ، ينۆەستورلاردىڭ ىنتىماقتاستىعى ءۇشىن جاعداي جاسالعان اشىق الاڭ. مۇندا ستارتاپتاردى دامىتۋعا، يدەيالاردى ىسكە اسىرۋعا تولىق مۇمكىندىك بار.
بۇدان بولەك، تۇركىستان قالاسىندا كورەيالىق «ۆۋسونگ» ۋنيۆەرسيتەتىنىڭ فيليالى اشىلماق. «ۆۋسونگ» ۋنيۆەرسيتەتى جاڭا ءبىلىم بەرۋ ستاندارتتارىن اكەلىپ قانا قويماي، سونىمەن قاتار ايماق ەكونوميكاسىنىڭ دامۋىنا ىقپال ەتەتىن يننوۆاسيالىق جوبالاردى قۇرۋدىڭ باستاماسى بولادى.
سونىمەن قاتار، تۇركىستان وبلىسى اكىمى دارحان ساتىبالدى قىتايلىق ءىت كومپانيا وكىلدەرىمەن تەحنولوگيالىق پارك اشۋ تۋرالى كەلىسسوزدەر جۇرگىزگەن بولاتىن. كەلىسسوزدەر ناتيجەسىندە قۇرىلىسى جوسپارلانىپ وتىرعان تەحنولوگيالىق پارك ايماقتىڭ ەكونوميكالىق جانە يندۋستريالىق دامۋى ءۇشىن ستراتەگيالىق ماڭىزدى جوبالاردىڭ بىرىنە اينالماق. جوبا شەڭبەرىندە ەلەكترونيكا، كومپيۋتەرلىك جابدىقتار، ەلەكتر جابدىقتارى، وپتيكالىق كابەلدەر، تۇرمىستىق تەحنيكا جانە ەلەكتروموبيلدەردى جوندەۋ مەن تەحنيكالىق قىزمەت كورسەتۋ ورىندارىن، سونداي-اق ەلەكتروموبيلدەرگە ارنالعان قۋاتتاۋ ستانسيالارىن قۇرۋ كوزدەلىپ وتىر.
