Memleket basshysy Qasym-Jomart Toqaev metallýrgterdi marapattaý týraly Jarlyqqa qol qoiyp, qoǵamdy eńbek adamdaryn qurmetteýge shaqyrǵan bolatyn. Osyǵan orai, búgin Metallýrg kúni qarsańynda otandyq metallýrgiia salasyndaǵy jemisti eńbegi, elimizdiń ónerkásiptik jáne infraqurylymdyq damýyna qosqan úlesi úshin júzdegen jumysshy memlekettik nagradalarmen marapattaldy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynda da eńbek adamyna qurmet kórsetildi. Oblys ákimi Darhan Satybaldy tájiribeli metallýrg, Túrkistan óńiriniń damýyna úles qosqan maman Nurlan Qadyrálievke «Qurmet» ordenin tapsyrdy. 1965 jyly týǵan azamat Shymkent mehanikalyq zaýytynda slesar ári bolat balqytýshy bolǵan. Qazir «KARLSKRONA LC AB» kompaniiasynda bas bolat balqytýshy bolyp jumys istep júr. Jalpy eńbek ótili 40 jylǵa jýyqtaǵan. Oblys ákimi marapat iesine Prezidentimizdiń eńbek adamdaryna qurmet kórsetýdegi bastamalary týraly aita kele, Túrkistan obolysyn damytýda metallýrgterdiń de úlesi bar ekenin jetkizdi.
Aita keteiik, Memleket basshysynyń Jarlyǵymen metallýrgiia salasynda isteitin 22 jumysshy «Qurmet» ordeniniń kavaleri atandy, 41 ónerkásip qyzmetkeri III dárejeli «Eńbek dańqy» ordeniniń, 51 adam «Eren eńbegi úshin» medaliniń iegeri boldy. Sonymen qatar 7 maman Qazaqstan Respýblikasy Prezidentiniń Qurmet gramotasyn ielendi.
