Belgili ánshi, Qazaqstannyń Halyq ártisi Roza Baǵlanovanyń kelini jýrnalist Ainur Asanberdige bergen suhbatynda óner iesiniń ómiriniń sońǵy kúnderi týraly aityp berdi, dep dalanews.kz tilshisi Sn.kz saityna silteme jasap habarlaidy.
Onyń sózinshe, Roza Baǵlanova aýrýhanada shamamen bir apta jatqan. Sońǵy kúnderiniń birinde dárigerler jaqyndaryna jansaqtaý bólimine kirip, ánshimen júzdesýge ruqsat bergen.
"Aýrýhanada jeti kún jatty ǵoi deimin. Jetinshi kúni biz bardyq. Jasandy tynys alýmen jatty. Dáriger: "Sender kelgende dári bermeimin, esin bilip jatatyn bolady", – dedi. Nemeresin alyp bardyq. Ózi qatty jaqsy kóretin ul nemeresi edi. Túngi saǵat 12 shamasynda áreń degende jansaqtaý bólimine kirdik. Esin bilip jatyr eken. Kóre sala men qatty jyladym. Tizerlep otyryp qaldym. Sonda anam qolymdy qatty qysty. Ózi trýbkamen jatty, biraq kózinen jas parlap aǵyp jatty. Men tek: "Mama, bul qalai boldy?" dep aita berdim. Shok jaǵdaida boldym", – dedi ol.
Kelininiń aitýynsha, sol túni jaqyndary Roza Baǵlanovamen qoshtasyp shyqqan. Al kelesi kúni ánshi ómirden ótken.
"Biz túnde baryp qaittyq. Kelesi kúni ol kisi ketti. Ishimde bir ókinish qaldy. Sol aýrýhanaǵa beker apardym ba dep oilaimyn", – dep eske aldy ol.
