1 shilde kúni Almatydaǵy Raiymbek dańǵylynda salynyp jatqan BRT jelisi ýchaskesinde jedel járdem kóligi men elektrovelosipedtiń qatysýymen jol-kólik oqiǵasy boldy, dep habarlaidy dalanews.kz.
Aldyn ala málimet boiynsha, 2004 jyly týǵan jigit, boljam boiynsha kýrer, oqiǵa ornynda kóz jumǵan. Soqqydan keiin onyń elektrovelosipedi jedel járdem kóliginiń astynda qalǵan.
Kýágerlerdiń aitýynsha, elektrovelosiped júrgizýshisi arnaiy dabyl shamdary qosylyp turǵan jedel járdem kóligine qarsy baǵytqa shyǵyp ketken. Apat bolǵan jol bóligi qazir qurylys kezeńinde. Onda ýaqytsha qozǵalys syzbasy engizilgen, alaida jańartylǵan jol belgileri men jolaqtary áli tolyq ornatylmaǵan.
Qazirgi ýaqytta jol apatynyń naqty mán-jaiy men qatysýshylardyń jaýapkershilik deńgeiin quqyq qorǵaý organdary anyqtap jatyr.
