Qazaqstannyń Energetika ministrligi "Reseige janar-jaǵarmai jetkiziledi" degen aqparatqa bailanysty túsinikteme berdi, dep habarlaidy dalanews.kz.
Vedomstvo málimetinshe, Resei Úkimetinen avtomobil otynyn satyp alýǵa qatysty resmi ótinish tússe, Qazaqstan ózara tiimdi kommertsiialyq sharttar negizinde janar-jaǵarmai jetkizý múmkindigin qarastyrýǵa daiyn.
Ministrlik munai ónimderin eksporttaý jónindegi halyqaralyq kelisimder men kommertsiialyq kelisimsharttar tek elde jetkilikti bos resýrstyq áleýet bolǵan jaǵdaida jasalatynyn atap ótti.
Sonymen qatar, ministrlik Qazaqstannyń ishki naryǵyn janar-jaǵarmaimen tolyq ári turaqty qamtamasyz etý basty basymdyq bolyp qala beretinin jetkizdi. Eksport azamattar men el ekonomikasynyń qajettiligine qaýip tónbegen jaǵdaida ǵana júzege asyrylady.
