Túrkistan oblysynyń Sozaq aýdanyna Shý ózeni arqyly 1,5 mlrd tekshe metrden astam sý jiberildi,- dep habarlaidy Dalanews.kz
Sý Jambyl oblysyndaǵy Tasótkel sý qoimasynan jiberildi. Bul jumys tabiǵatty qorǵaý maqsatyndaǵy sý jiberý sharalary aiasynda byltyr qyrkúiekten bastalyp, biyl sáýirdiń sońyna deiin júrgizildi.
Sý Sozaq aýdanyna aqpan aiynda jetti. Qajetti kólemdi qamtamasyz etý úshin Sý resýrstary jáne irrigatsiia ministrligi Qyrǵyz Respýblikasyndaǵy áriptesterimen birneshe kelissóz júrgizdi.
Sý resýrstary jáne irrigatsiiasy ministri Nurjan Nurjigitovtiń tapsyrmasy boiynsha «Qazsýshardyń» Jambyl filialy men Shý-Talas basseindik inspektsiiasynyń mamandary Shý ózeni ańǵarynda monitoring júrgizip, tabiǵatty qorǵaý maqsatyndaǵy sý jiberý jumystarynyń nátijesimen tanysty.
Jumys toby Sozaq aýdanymen qatar, Jambyl oblysynyń Shý, Moiynqum jáne Sarysý aýdandaryna da bardy. Mundai kólemdegi sý Sozaq aýdanyna sońǵy bes jylda alǵash ret jetip otyr, sol sebepti jergilikti turǵyndar ministrlikke alǵys bildirip jatyr.
«Aýdan halqy atynan sýdyń jetkizilip jatqanyna qýanyshty ekenimizdi aitqym keledi. Aptap ystyqqa qaramastan, sýdy jetkizý baǵytyndaǵy jumysty jalǵastyryp, ózderińiz jergilikti jerlerge shyǵyp, jaǵdaidy baqylap otyrǵandaryńyzǵa alǵys aitamyz»,– dedi Sozaq aýdanynyń turǵyny Rishat Tańatov.
