Sairam aýdany, Aqsýkent aýyldyq okrýgindegi «Zavod Avtotehnologii» óndiris orny – óńirdegi iri investitsiialyq jobalardyń biri. Aýdan ákimi Arman Sábitov atalǵan kásiporynnyń jumys barysymen tanysty, - dep habarlaidy Dalanews.kz
Zaýyt jumysyn kásipker Kerimbek Adishev jetekshilik etetin komanda júzege asyrýda. Jospar boiynsha óndiris orny 2025 jyldyń maýsym aiynda iske qosylady. Onda 80 adam turaqty jumyspen qamtylady.
Joba aiasynda arnaiy maqsattaǵy avtokólikter qurastyrylady. Zaýyttyń óndiristik qýattylyǵy jylyna 500 dana arnaiy tehnika shyǵarýǵa jetedi. Bul bastama otandyq mashina jasaý salasyndaǵy serpilis bolmaq. Jobany qarjylandyrý jeke investorlyq qarajat jáne jeńildetilgen nesie esebinen qarastyrylǵan. Tehnikalyq qural-jabdyqtar Qazaqstannan, TMD elderinen jáne alys shetelden jetkiziledi. Bul zaýyttyń tehnologiialyq bazasynyń zamanaýi, halyqaralyq standarttarǵa sai bolýyn qamtamasyz etedi.
Ónimniń 80 paiyzy ishki naryqqa shyqsa, 20 paiyzy eksporttalmaq. Bul joba – eldiń ónerkásiptik áleýetin arttyrýmen qatar, importqa táýeldilikti azaitýǵa baǵyttalǵan naqty qadam. Joba óńir ekonomikasyna serpin berip, jańa jumys oryndaryn ashý arqyly jergilikti turǵyndardyń áleýmettik ál-aýqatyn arttyrýǵa yqpal etedi dep kútilýde.
Aýdan basshysy Arman Sábitov zaýyt qurylysy men óndiris úderisteriniń júieli iske asyrylýyna qoldaý bildiretindigin jetkizdi. Sondai-aq jergilikti bilik tarapynan infraqurylym men kadrlyq qamtamasyz etý máseleleri nazarda bolatynyn atap ótti.
