Túrkistan oblysy, Sairam aýdany, Qarasý aýylynda jańa shaǵynaýdannyń kapsýlasyn salý rásimi ótti,– dep habarlaidy Dalanews.kz
Jalpy aýmaǵy 60 gektarǵa jetetin jańa qalashyqta jalpy 2300-ge jýyq páterli 47 kópqabatty turǵyn úi salynyp, 12 myńdai aýyl halqy qonystanady. Qurylys josparymen tanysqan Túrkistan oblysynyń ákimi Nuralhan Kósherov tarihi sáttiń kýágeri bolǵan jergilikti turǵyndarmen kezdesti.
– Búgin biz Sairam aýdanynyń damýy jolyndaǵy asa mańyzdy bastamanyń kýási bolyp otyrmyz. Memleket basshysy óziniń halyqqa Joldaýynda baspanamen qamtý máselesine toqtalyp ótken bolatyn. Osy tapsyrma aiasynda oblysymyzda halyqty baspanamen qamtamasyz etýge baǵyttalǵan naqty jobalar júzege asyrylýda. Sairam aýdanynda 63 myńnan astam azamat jer telimi, al 4 myńnan asa adam baspana kezeginde tur. Búgin Qarasý aýylynda 57 gektar jerge jańa turǵyn aýdannyń qurylysy bastalýda. Bul – turǵyn úi tapshylyǵyn sheshýge, halyqtyń áleýmettik jaǵdaiyn jaqsartýǵa baǵyttalǵan joba. Aýyl turǵyndarynyń úili bolýyna, aimaqtyń damýyna múmkindik beretin jańa shaǵynaýdanda kóptegen áleýmettik nysandar boi kóteredi. Halyqtyń turmys sapasyn tanytatyn mańyzdy kórsetkish – baspana. Muqtaj jandardy baspanamen qamtý, olardyń turmysyn túzetý, áleýmettiń áleýetin arttyrýǵa muryndyq bolý – ár ákimniń mindeti. Sondyqtan osy jumystarǵa bar kúshimizdi salýymyz kerek, – dedi Nuralhan Kósherov.
Jańa shaǵynaýdanda ákimshilik ǵimaraty, 600 oryndyq zamanaýi jańa mektep, 280 oryndyq balabaqsha, táýligine 250 adam qabyldaityn jańa emhana jáne Mádeniet úii men jastar saraiy boi kóteredi. Sairam aýdandaǵy memlekettik turǵyn úi qorynan turǵyn úige muqtaj retinde 4 206 azamat tirkelgen.
Qazaqtyń qutty mekeni sanalatyn aýylǵa jasalatyn jaǵdaiǵa qýanǵan turǵyndar óńir basshylyǵyna alǵys aitty. Oblys ákimi óńirdiń damýyna kúsh salynatynyn jetkizip, azamattardy tazalyqty saqtaýǵa jáne kógaldandyrýǵa úles qosýǵa shaqyrdy. Tazalyqty saqtaý mekemesiniń qyzmetkerlerine alǵys bildirdi.
Aita keteiik, Sairam aýdanynda jergilikti biýdjet esebinen 455 mln teńge qarjy bólinip, 20-dan astam arnaiy tehnika satyp alynǵan. Bul baǵyttaǵy jumystar jalǵasady. Oblystyq biýdjetten tehnika jańartýǵa 175 mln teńge qaralǵan. «Taza Qazaqstan» baǵdarlamasy boiynsha júieli jumys jalǵasady.
