Saýranda egistik alqaptary tolyqtai daiyndalyp, kóktemgi egis naýqany qarqyndy júrgizilýde. Búgingi kúnge deiin 5685,3 gektar jerge aýyl sharýashylyǵy daqyldary egildi, dep habarlaidy Dalanews.kz
Ótken jyly Saýran aýdanynda aýyl sharýashylyǵy salasy aitarlyqtai damyp, egistik alqaptarynda aýqymdy jumystar atqaryldy. Jyl qorytyndysy boiynsha 43,6 myń gektar jerge aýyl sharýashylyǵy daqyldary egildi. Sonyń nátijesinde 873,3 tonna ónim óndirilip, byltyrǵy jylmen salystyrǵanda ónimdilik 105,3%-ǵa artty. Bul jetistik saladaǵy ósimniń aiqyn kórsetkishi.
Biyl atalǵan kórsetkishterdi odan ári arttyrý maqsatynda 44,2 myń gektar jerge egistik daqyldaryn ornalastyrý josparlanyp otyr.
Sonymen qatar 1,2 gektar jerge jylyjai ónimderi otyrǵyzyldy. Jańa tehnikalar keńinen qoldanylyp, sý únemdeý tehnologiialary engizilýde. Jańbyrlatyp jáne tamshylatyp sýǵarý ádisteriniń kólemi artyp, alqaptardy sýarýdyń tiimdiligi artýda.
Aýyl sharýashylyǵy – ekonomikanyń negizgi tiregi. Osyǵan orai, egistik alqaptaryn ulǵaitý, ónimdilikti arttyrý jáne agrotehnologiialardy jetildirý baǵytynda keshendi sharalar atqarylýda. Agrarlyq sektordyń damý qarqyny joǵary, aldaǵy ýaqytta odan da joǵary kórsetkishterge qol jetkiziledi dep kútilýde.
