ساۋراندا ەگٸستٸك القاپتارى تولىقتاي دايىندالىپ, كٶكتەمگٸ ەگٸس ناۋقانى قارقىندى جٷرگٸزٸلۋدە. بٷگٸنگٸ كٷنگە دەيٸن 5685,3 گەكتار جەرگە اۋىل شارۋاشىلىعى داقىلدارى ەگٸلدٸ, دەپ حابارلايدى Dalanews.kz
ٶتكەن جىلى ساۋران اۋدانىندا اۋىل شارۋاشىلىعى سالاسى ايتارلىقتاي دامىپ, ەگٸستٸك القاپتارىندا اۋقىمدى جۇمىستار اتقارىلدى. جىل قورىتىندىسى بويىنشا 43,6 مىڭ گەكتار جەرگە اۋىل شارۋاشىلىعى داقىلدارى ەگٸلدٸ. سونىڭ نەتيجەسٸندە 873,3 توننا ٶنٸم ٶندٸرٸلٸپ, بىلتىرعى جىلمەن سالىستىرعاندا ٶنٸمدٸلٸك 105,3%-عا ارتتى. بۇل جەتٸستٸك سالاداعى ٶسٸمنٸڭ ايقىن كٶرسەتكٸشٸ.
بيىل اتالعان كٶرسەتكٸشتەردٸ ودان ەرٸ ارتتىرۋ ماقساتىندا 44,2 مىڭ گەكتار جەرگە ەگٸستٸك داقىلدارىن ورنالاستىرۋ جوسپارلانىپ وتىر.
سونىمەن قاتار 1,2 گەكتار جەرگە جىلىجاي ٶنٸمدەرٸ وتىرعىزىلدى. جاڭا تەحنيكالار كەڭٸنەن قولدانىلىپ, سۋ ٷنەمدەۋ تەحنولوگييالارى ەنگٸزٸلۋدە. جاڭبىرلاتىپ جەنە تامشىلاتىپ سۋعارۋ ەدٸستەرٸنٸڭ كٶلەمٸ ارتىپ, القاپتاردى سۋارۋدىڭ تيٸمدٸلٸگٸ ارتۋدا.
اۋىل شارۋاشىلىعى – ەكونوميكانىڭ نەگٸزگٸ تٸرەگٸ. وسىعان وراي, ەگٸستٸك القاپتارىن ۇلعايتۋ, ٶنٸمدٸلٸكتٸ ارتتىرۋ جەنە اگروتەحنولوگييالاردى جەتٸلدٸرۋ باعىتىندا كەشەندٸ شارالار اتقارىلۋدا. اگرارلىق سەكتوردىڭ دامۋ قارقىنى جوعارى, الداعى ۋاقىتتا ودان دا جوعارى كٶرسەتكٸشتەرگە قول جەتكٸزٸلەدٸ دەپ كٷتٸلۋدە.
