قازاقستان مەن قىرعىزستان الماتىدان ىستىقكٶلگە دەيٸن تاۋلار ارقىلى ٶتەتٸن تٸكەلەي اۆتوجول سالۋ مٷمكٸندٸگٸن قاراستىرىپ جاتىر. بۇل باعىتتىڭ تيٸمدٸلٸگٸ مەن ەكونوميكالىق نەگٸزدٸلٸگٸ ەزٸرگە باعالانىپ جاتىر, دەپ حابارلايدى dalanews.kz.
قازٸر قازاقستاندا الماتى مەن ىستىقكٶلدٸ جالعايتىن ۇزىندىعى شامامەن 100 شاقىرىم بولاتىن تٸكەلەي جول سالۋ جوباسى پىسىقتالۋدا.
بۇل تۋرالى مەملەكەتتٸك-جەكەمەنشٸك ەرٸپتەستٸك (مجە) دامىتۋ جٶنٸندەگٸ حالىقارالىق ينۆەستيتسييالىق ديالوگ بارىسىندا قازاقستاننىڭ مەملەكەتتٸك-جەكەمەنشٸك ەرٸپتەستٸك ورتالىعى باسقارما تٶراعاسىنىڭ بٸرٸنشٸ ورىنباسارى ايدوس كٶبەتوۆ مەلٸمدەدٸ.
ونىڭ ايتۋىنشا, جوبا بويىنشا قاراعاندىدا كونكۋرستىق رەسٸمدەر ٶتٸپ جاتىر. بايقاۋعا ەكٸ ٸرٸ كومپانييا قاتىسىپ جاتىر, ولاردىڭ بٸرٸ – حالىقارالىق ينۆەستور.
قازٸرگٸ تاڭدا الماتىدان ىستىقكٶلگە دەيٸنگٸ جول شامامەن 400 شاقىرىمدى قۇرايدى جەنە وعان ورتا ەسەپپەن 6–7 ساعات كەتەدٸ. ال تاۋلى شاتقالدار ارقىلى ٶتەتٸن جاڭا باعىت ٸسكە اسسا, قاشىقتىق شامامەن 100 شاقىرىمعا دەيٸن قىسقارۋى مٷمكٸن.
جوبانى ازييا دامۋ بانكٸ سٷيەمەلدەپ وتىر. قازٸر تەحنيكالىق-ەكونوميكالىق نەگٸزدەمە ەزٸرلەنٸپ جاتىر. كەيٸن جوبا كەلٸسۋ جەنە ساراپتامادان ٶتكٸزۋ كەزەڭٸنە جٸبەرٸلەدٸ.
