Qazaqstan men Qyrǵyzstan Almatydan Ystyqkólge deiin taýlar arqyly ótetin tikelei avtojol salý múmkindigin qarastyryp jatyr. Bul baǵyttyń tiimdiligi men ekonomikalyq negizdiligi ázirge baǵalanyp jatyr, dep habarlaidy dalanews.kz.
Qazir Qazaqstanda Almaty men Ystyqkóldi jalǵaityn uzyndyǵy shamamen 100 shaqyrym bolatyn tikelei jol salý jobasy pysyqtalýda.
Bul týraly memlekettik-jekemenshik áriptestik (MJÁ) damytý jónindegi halyqaralyq investitsiialyq dialog barysynda Qazaqstannyń memlekettik-jekemenshik áriptestik ortalyǵy basqarma tóraǵasynyń birinshi orynbasary Aidos Kóbetov málimdedi.
Onyń aitýynsha, joba boiynsha Qaraǵandyda konkýrstyq rásimder ótip jatyr. Baiqaýǵa eki iri kompaniia qatysyp jatyr, olardyń biri – halyqaralyq investor.
Qazirgi tańda Almatydan Ystyqkólge deiingi jol shamamen 400 shaqyrymdy quraidy jáne oǵan orta eseppen 6–7 saǵat ketedi. Al taýly shatqaldar arqyly ótetin jańa baǵyt iske assa, qashyqtyq shamamen 100 shaqyrymǵa deiin qysqarýy múmkin.
Jobany Aziia damý banki súiemeldep otyr. Qazir tehnikalyq-ekonomikalyq negizdeme ázirlenip jatyr. Keiin joba kelisý jáne saraptamadan ótkizý kezeńine jiberiledi.
