Búgin, 25 jeltoqsanda QR Parlamenti Májilisiniń jalpy otyrysynda "Túrkistan qalasynyń erekshe mártebesi týraly" zań men ilespe túzetýler ekinshi oqylymda qabyldandy. Zań Túrkistandy rýhanı-mádenı, tarıhı jáne týrısik ortalyq retinde qalyptastyrýdy, tarıhı murany qorǵaýdy kózdeıdi, dep jazady Dalanews.kz.
Atalǵan zań jobasynyń erekshe tustaryna toqtala ketelik. Máselen, endi Qoja Ahmet Iasaýı kesenesiniń qorǵaý aımaǵynan 100 metr radıýsta bıiktigi 7 metrden asatyn jáne tarıhı eskertkishtermen úılespeıtin nysandar salýǵa tyıym salynady.
Sondaı-aq Túrkistan qolónershileriniń shyǵyndary jergilikti bújetten óteletin bolady. Munda 30-dan astam qolónershi bar. Olardyń 10%-dan 25%-ǵa deıingi shyǵyndaryn jergilikti búdjet óteıdi. Bul maqsatqa jyl saıyn shamamen 88,5 mln teńge bólinedi.
Ótinim berý úshin kásipkerlik sýbektileri 2025 jyldyń 1 naýryzyna deıin qala ákimdigine ótim berý kerektigi, ol ótinimderdi qaraý úshin arnaıy komısıa qurylatyny naqtylanady.
Sondaı-aq Túrkistan ákimdigine 27, máslıhatqa 7 jańa ókilettik beriledi. Jer kodeksine jáne tarıhı-mádenı mura men qurylys salasyndaǵy zańdarǵa ózgerister engiziledi.
