بۇگىن، 25 جەلتوقساندا ق ر پارلامەنتى ءماجىلىسىنىڭ جالپى وتىرىسىندا "تۇركىستان قالاسىنىڭ ەرەكشە مارتەبەسى تۋرالى" زاڭ مەن ىلەسپە تۇزەتۋلەر ەكىنشى وقىلىمدا قابىلداندى. زاڭ تۇركىستاندى رۋحاني-مادەني، تاريحي جانە تۋريستىك ورتالىق رەتىندە قالىپتاستىرۋدى، تاريحي مۇرانى قورعاۋدى كوزدەيدى، دەپ جازادى Dalanews.kz.

اتالعان زاڭ جوباسىنىڭ ەرەكشە تۇستارىنا توقتالا كەتەلىك. ماسەلەن، ەندى قوجا احمەت ياساۋي كەسەنەسىنىڭ قورعاۋ ايماعىنان 100 مەتر راديۋستا بيىكتىگى 7 مەتردەن اساتىن جانە تاريحي ەسكەرتكىشتەرمەن ۇيلەسپەيتىن نىساندار سالۋعا تىيىم سالىنادى.

سونداي-اق تۇركىستان قولونەرشىلەرىنىڭ شىعىندارى جەرگىلىكتى بيۋجەتتەن وتەلەتىن بولادى. مۇندا 30-دان استام قولونەرشى بار. ولاردىڭ  10%-دان 25%-عا دەيىنگى شىعىندارىن جەرگىلىكتى بيۋدجەت وتەيدى. بۇل ماقساتقا جىل سايىن شامامەن 88،5 ملن تەڭگە بولىنەدى. 

ءوتىنىم بەرۋ ءۇشىن كاسىپكەرلىك سۋبەكتىلەرى 2025 جىلدىڭ 1 ناۋرىزىنا دەيىن قالا اكىمدىگىنە ءوتىم بەرۋ كەرەكتىگى، ول وتىنىمدەردى قاراۋ ءۇشىن ارنايى كوميسسيا قۇرىلاتىنى ناقتىلانادى.

سونداي-اق تۇركىستان اكىمدىگىنە 27، ءماسليحاتقا 7 جاڭا وكىلەتتىك بەرىلەدى. جەر كودەكسىنە جانە تاريحي-مادەني مۇرا مەن قۇرىلىس سالاسىنداعى زاڭدارعا وزگەرىستەر ەنگىزىلەدى.