Jiyndy «AMANAT» partiiasy Túrkistan oblystyq filialy Atqarýshy hatshysynyń orynbasary, qoǵamdyq keńes tóraǵasy Qalyima Jantóreeva ashyp, júrgizip otyrdy.
Kún tártibinde keńes músheleriniń jańa quramyn tanystyrý, 2022 jylǵa arnalǵan jumys josparyn bekitý, Memleket basshysy, Partiia Tóraǵasy Q.K.Toqaevtyń maqalasy, suqbaty men halyqqa Joldaýyn talqylaý máseleleri qaralyp, Sailaýaldy baǵdarlamadaǵy indikatorlardyń oryndalýy baiandaldy.
Buǵan deiin atalǵan keńestiń tóraǵasy bolǵan jazýshy Marhabat Baiǵut keńes jumysynda birqatar nátijeli jumystardy atqardy.
Endi Qoǵamdyq keńestiń jańa tóraǵasy bolyp Q.Jantóreeva sailandy. Ol keńes múshelerin máselelerdi ashyq talqylaýǵa, aitylǵan usynystardy tiisti deńgeide qaraýǵa jáne qoǵam múddesi jolynda qyzmet etýge shaqyrdy. Májiliste Qoǵamdyq keńestiń jańa quramy tanystyrylyp, týrizm, mádeniet, bilim jáne BAQ salasynyń belsendi ókilderimen tolyqty.
Kún tártibindegi máselelerdiń biri El Prezidenti Q.K.Toqaevtyń «Táýelsizdik bárinen qymbat» maqalasynda aitylǵan tujyrymdamaǵa bailanysty mindetterdi oryndaý týraly Q.A.Iasaýi atyndaǵy HQTÝ-niń professory, keńes múshesi Bekjigit Serdáli habarlama jasap, pikirin bildirdi.
– Maqalanyń jaryq kórgenine bir jyldai ýaqyt ótkenimen, ondaǵy máseleler áli kúnge deiin kún tártibinde tur. Prezident eldiń pikirimen sanasyp, problemalardan habardar ekenin bildirgen kúide jazǵan. Maqalada aitylǵan máseleler men qańtar oqiǵasynan keiin «Jańa Qazaqstan» ideiasy paida boldy. Maqalanyń «Baǵdar men beles» bóliminde eldiń indýstriialyq, innovatsiialyq damý jolyna kóńil bólýdi aityp, áleýmettik jaǵdaidy qozǵady, – dedi keńes múshesi.
Kún táritibindegi sońǵy máselege bailanysty Túrkistan oblystyq mádeniet basqarma basshysynyń orynbasary A.Temirhannyń baiandamasy tyńdaldy. Partiianyń oblys boiynsha Sailaýaldy baǵdarlamasynyń mádeniet salasyna qatysty bóliminde 2021 jyly 75 indikator oryndalǵan. Is-sharalar memlekettik tildiń tanymaldyǵy men qoldanylý aiasyn keńeitý maqsatynda ótkizilgen. Sondai-aq, mádeni nysandardyń qurylysyn aiaqtaý, tarihi oryndardy qalpyna keltirý sharalary da nátijeli iske asty.
Al, qasietti jáne mańyzdy oryndar boiynsha ólketaný ekspeditsiialary aiasynda byltyr 10 ekspeditsiialyq sapar jasalyp, 85 nysanda ǵylymi zertteýler men arheologiialyq jumystar júrgizilgen. 2022 jyly da atalǵan sharalar jalǵasyn tappaq.
Qoǵamdyq keńes tóraǵasy Q.Jantóreeva keńes jumysyn jandandyrýǵa qatysty usynystardyń qabyldanǵanyn aityp, keńes otyrysyn qorytyndylady.
