Túrkistandyq 14 jasar oqýshy qyz dombyra jasaıdy. Keles aýdany N47 D.Qonaev atyndaǵy jalpy bilim beretin mektebiniń 9-synyp oqýshysy Káýsar Súndetqul jas kezinen eńbekqor. Kóp balaly ónerli otbasynda ósip jatqan Káýsar atasyna kómektesip dombyra, qobyz, ulttyq jádigerler men qolóner buıymdaryn jasaıdy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
– Meniń atam 20 jyldan beri qolónermen aınalysady. Atamnyń kishkentaı kezinen qasynda júrip, jasaǵan zattaryna ulttyq oıýdy bederlep, keıde ózim de túrli buıymdar jasaımyn. Maǵan bul qatty unaıdy. Sabaqtan keıin úıge qaraı asyǵamyn, bos ýaqytymdy tıimdi ótkizgim keledi. Mektepte kórkem eńbek páni qatty qyzyqtyrady, – deıdi talantty oqýshy.
Atasy men nemeresiniń jasaǵan qolóner buıymdary, dombyralary túrli kórmelerge qoıylǵan. Aýyl turǵyndary arasynda da suranysqa ıe. Jas shákirttiń ózi oqýda ozat, túrli deńgeıdegi baıqaýlarda jeńis tuǵyrynan kórinip keledi
