Sharanyń maqsaty — barsha túrki jurty bas igen Iasaýi joly men murasyn óskeleń urpaqqa tanytý, súiispenshiligin oiatý, patriottyq sezimge tárbieleý bolyp tabylady.
Túrkistandyq oqýshylarǵa arnalǵan dáristi qoryq-mýzeidiń qyzmetkeri Ardaq Beisenova oqyp, balalardyń baba tarihyna degen qyzyǵýshylyǵyn arttyra otyryp, saýalnama uiymdastyrdy.
Musylman áleminde aty áigili, jańa kezeńdegi sopylyq ádebiettiń iri ókili, kemeńger aqyn ári oishyl, filosof jerlesimiz Qoja Ahmet Iasaýi Sairamda 12 ǵasyrda dúniege kelgen. Qoja Ahmet Iasaýi ómiri jóninde derekter óte az saqtalǵan. Bul týraly aiǵaqty derek-málimetter «Diýani hikmette» keltirilgen.
Aqyn óziniń 63 jasqa deiingi ómirin táptishtep baiandai kelip, bir jastan alpys úshke deiingi turmys kezeńderin,iri- iri okiǵalardy júieli sóz etedi. Bala Ahmettiń negizgi ustazy, tárbieshisi ózine atalas týys bolyp keletin Arystan Bab eken.Bul jaiynda aqynnyń ózi «Diýani hikmette»: Jeti jasta Arystan Babqa qyldym salam, Mustapanyń amanatyn ber dep maǵan. Sol mezette myń bir zikir ettim tamam, Nápsim tyiyp, allaǵa bet burdym mine. Qurma berip, basym sipap , nazar saldy, Bir sátte ol dúniege sapar saldy. Qoshtasyp bul álemmen , kete bardy, Mektep kórip , qainap — tolyp , tastym mine! -deidi.Arystan Babtan biraz sabaq alyp, óziniń oqýǵa degen talant- qabiletin tanytqan jas Ahmet Buhara qalasyndaǵy J .Hamadanidiń dini medresesinde oqidy.
Muny tamamdaǵan soń, az jyl sonda (Hamadani qaitys bolǵan soń) qalyp, medreseni basqarady.Budan soń ol sopylyq joldyń ashy- tushysyn da tatyp, Haq didaryna ǵashyq bolǵan ǵaryptermen kóptegen qalalardy aralaidy, biraz jerlerdiń dám- tuzyn tatady.
Osyǵan orai aqyn óz hikmetinde: «Ýa, dariǵa, ne isteimin ǵaryptikte, Ǵaryptikte kezbe bolyp qaldym mine. Horasan, Sham, Ǵiratqa niet qylyp, Ǵaryptiktiń kóp qadirin bildim mine!- deidi. On jeti jasqa tolǵan soń, aqyn Túrkistanǵa oralyp,sol kezde aty ǵana bar «Iasy» degen jerge qonys tebedi. Sodan sol jerge jurt birtindep jinalyp, qystaqqa ainalady.
