Túrkistan oblysy boiynsha sońǵy táýlikte KVI juqtyrǵan 12 jaǵdai, virýstyq pnevmoniiamen 5 jaǵdai tirkelgen. Nátijesinde oblystaǵy aptalyq aýrýshańdyq dinamikasy normadan asyp, 1,7-ke jetken.
– Naýryz merekesine orai biz oblys ortalyǵynda birneshe shara ótkizýdi josparlaǵan bolatynbyz. Alaida 19-23 naýryz aralyǵynda Túrkistan qalasyna poiyz, ushaq, avtobýspen 11 myńnan astam adam keledi dep boljanýda. Sonymen qatar, 31 naýryzda Túrkistanda Túrkitildes memleketterdiń yntymaqtastyq keńesiniń beiresmi sammiti ótedi. Osyndai úlken sharalardyń qarsańynda karantindik sharalardy qatań saqtaýymyz qajet, – dedi Túrkistan oblysy ákiminiń orynbasary Sáken Qalqamanov.
Sondai-aq, brifingke qatysqan oblystyń bas sanitariialyq dárigeri Nurbek Nyshanov ulttyq merekeni otbasymen birge qarsy alý qajettigin aitty.
– Oblys ortalyǵynda kópshiliktiń qatysýymen ótetin barlyq merekelik sharalar toqtatyldy. Naýryz merekesin ár azamat óz shańyraǵynda qarsy alǵany durys. Bul adamdardyń óz qaýipsizdikteri úshin mańyzdy. Sondyqtan kópshilik jerge barmai, meilinshe otbasynda bolǵan lázim, – dedi Nurbek Sadyqbekuly.
