تٷركٸستان وبلىسى بويىنشا سوڭعى تەۋلٸكتە كۆي جۇقتىرعان 12 جاعداي, ۆيرۋستىق پنەۆمونييامەن 5 جاعداي تٸركەلگەن. نەتيجەسٸندە وبلىستاعى اپتالىق اۋرۋشاڭدىق ديناميكاسى نورمادان اسىپ, 1,7-كە جەتكەن.
– ناۋرىز مەرەكەسٸنە وراي بٸز وبلىس ورتالىعىندا بٸرنەشە شارا ٶتكٸزۋدٸ جوسپارلاعان بولاتىنبىز. الايدا 19-23 ناۋرىز ارالىعىندا تٷركٸستان قالاسىنا پويىز, ۇشاق, اۆتوبۋسپەن 11 مىڭنان استام ادام كەلەدٸ دەپ بولجانۋدا. سونىمەن قاتار, 31 ناۋرىزدا تٷركٸستاندا تٷركٸتٸلدەس مەملەكەتتەردٸڭ ىنتىماقتاستىق كەڭەسٸنٸڭ بەيرەسمي سامميتٸ ٶتەدٸ. وسىنداي ٷلكەن شارالاردىڭ قارساڭىندا كارانتيندٸك شارالاردى قاتاڭ ساقتاۋىمىز قاجەت, – دەدٸ تٷركٸستان وبلىسى ەكٸمٸنٸڭ ورىنباسارى سەكەن قالقامانوۆ.
سونداي-اق, بريفينگكە قاتىسقان وبلىستىڭ باس سانيتارييالىق دەرٸگەرٸ نۇربەك نىشانوۆ ۇلتتىق مەرەكەنٸ وتباسىمەن بٸرگە قارسى الۋ قاجەتتٸگٸن ايتتى.
– وبلىس ورتالىعىندا كٶپشٸلٸكتٸڭ قاتىسۋىمەن ٶتەتٸن بارلىق مەرەكەلٸك شارالار توقتاتىلدى. ناۋرىز مەرەكەسٸن ەر ازامات ٶز شاڭىراعىندا قارسى العانى دۇرىس. بۇل ادامداردىڭ ٶز قاۋٸپسٸزدٸكتەرٸ ٷشٸن ماڭىزدى. سوندىقتان كٶپشٸلٸك جەرگە بارماي, مەيلٸنشە وتباسىندا بولعان لەزٸم, – دەدٸ نۇربەك سادىقبەكۇلى.
