Osy maqsatta Túrkistan qalasy 32 sektorǵa bólingen. Ár aýmaqqa aýdan, qala ákimdikteri men basqarma basshylary tikelei jaýapty. Oblys ortalyǵymen birge qalyptasyp, birge boi kótergen «jasyl beldeýdi» aralaǵan saiyn Ómirzaq Estaiuly egilgen kóshetterdiń sýarylýyna asa mán berýdi mindetteidi.
Ol úshin sektor aýmaǵynda uńǵymalar qazylyp, jer asty sýlary paidalanýda. Ár sektorda 10 myńǵa jýyq kóshetter otyrǵyzylyp, ár taldyń túbine sý jetkizilýde. Tamshylatyp sýarý júiesi júrgizildi. Kei sektorlar qajetti sýdy Arys-Túrkistan kanalynan tartýda. Sonymen qatar, aǵashtardy otyrǵyzý barysynda tiisti tyńaitqyshtar qoldanylǵan.
Túrkistan shaharyn kórkeitý, ekologiialyq jaǵdaidy jaqsartý úshin keshendi jumys júrip jatqany belgili. Oblys basshysy Ómirzaq Shókeevtiń tapsyrmasyna sáikes, jasyl kóshetterdi jelden, sýyqtan jáne basqa da syrtqy faktorlardan qorǵaý úshin aǵashtar qorǵanysh jippen bailanyp, tireýlermen qorshalýda. Birqatar jobalardy júzege asyrýǵa túrkistandyqtar tikelei atsalysqandyqtan, olar «Halyqtyq joba» ataldy.
