Júz jetpis bir myń turǵyny bar qaita jańǵyrǵan Túrkistan shahary oblys ortalyǵyna ainalǵaly úlken jetistikterge qol jetkizildi. Oblys ortalyǵynda 26 ákimshilik-iskerlik jáne mádeni ortalyq nysandary boi kóterdi. Halyqty baspanamen turaqty qamtý maqsatynda biyl qosymsha 50-ge jýyq turǵyn úidiń qurylysy júrgizilip jatyr. Aldaǵy 2-3 jylda joldardy asfalttaý jáne jaryqtandyrý máselesin tolyǵymen qamtý josparlanǵan.
Demalys aimaqtaryn kóbeitý maqsatynda ortalyq kóshe boilarynan 10 shaqty alleialar salynǵan jáne saiabaqtar kúrdeli jóndeýden ótkizilgen. Qalany kógaldandyrý jumystary biyl da jalǵasyn tappaq. Qala mańynan jalpy aýmaǵy 7,5 myń gektardy quraityn «Jasyl beldeý» qurý jobasy tyńǵylyqty iske asyp keledi. Uzyndyǵy 145 shaqyrymdy quraityn beton kanal salý jumystary júrgizilýde. Osylaisha qalany kógaldandyra otyryp, klimat jaǵdaiyn jaqsartý kózdelgen.
Atap ótý kerek, shahar basshysy esep berýinde onlain bailanys arqyly jergilikti telearnanyń tikelei efiri men áleýmettik jeliler arqyly halyqpen tikelei bailanysta bolyp, saýaldaryna da jaýap berdi.
Túrkistan oblysy ákiminiń baspasóz qyzmeti
