Qala turǵyndary men qonaqtary aldymen Qolóner kórmesin tamashalady. Onda Oqýshylar saraiyndaǵy «Qolóner», «Aǵash óneri», «Zergerlik óner», «Músin jáne keramika» sekildi úiirmelerdegi oqýshylardyń týyndylary qoiyldy. Kelýshi qonaqtar jas búldirshinderdiń buiymdaryna qyzyǵýshylyqpen qarap, joǵary baǵasyn berdi.
Sondai-aq, arnaiy uiymdastyrylǵan kontserttik baǵdarlamany tamashalady. Kontsertte de Túrkistan Oqýshylar saraiyndaǵy «Vokal», «Dombyra», «Gitara», «Dástúrli án», «Zamanaýi bi», «Halyq bii» sekildi úiirmelerdiń talanttary óner kórsetti. Olar halyq jáne álemdik klassikadan ánder oryndap, myń buralǵan bilerimen kelýshilerdi tańǵaldyrdy.
Túrkistanda ornalasqan Oqýshylar saraiyndaǵy barlyq úiirmeler men múmkindikter Kentaý qalasynda da bolady. Bul keshti biz osy qalamen jaqynyraq tanysý úshin uiymdastyrdyq, – dedi Indira Sarqytqyzy, Oqýshylar Saraiynyń direktory.
Aita keteiik, Kentaýda Oqýshylar saraiy óz jumysyn bastady. Búgingi tańda balalardy úiirmege jazý jumystary júrgizilýde.
