Túrkistan óńirinde biiktigi 16 metr bolatyn "Máńgilik el" monýmenti ashyldy
16 jeltoqsan elimizdiń Táýelsizdik kúni bolǵandyqtan saiabaq ortasyna biiktigi 16 metr bolatyn «Máńgilik el» monýmenti ornatylǵan.
Jasyl jelekpen kómkerilgen demalys ornynyń qurylysyna 79 mln teńge qarjy jumsalypty. Saiabaqtyń ashylǵanyna aýdan halqy dán riza.
Sebebi, qala ortalyǵynda taza aýa men tynystap, alańsyz serýendeýge bolady. Jol jiegine jaily oryndyqtar men ásem shamdar ornatylǵan.
Al «Qurmetti azamattar» alleiasy da qala turǵyndarynyń kóz qýanyshyna ainaldy. 47 mln teńge jumsalǵan alleianyń kireberis qaqpasynan bastap, aiaq joldaryna deiin jańadan salynǵan.
Munda aýdannyń damýyna ólsheýsiz úles qosqan Arys qalasynyń qurmetti azamattarynyń esimderi tasqa qashap jazylǵan.
«Olardyń aty-jónderin bolashaq urpaq bilip, sanasyna sińirip ósýi tiis», – deidi qala turǵyndary.
Orazhan Arystanbaev, Arys qalasynyń qurmetti azamaty: - Qurmetti azamattardyń tiziminde qarapaiym eńbekkerler de bar. Olardyń bári bizdiń qalamyzdyń damýyna, áleýmettik-ekonomikasynyń kóterilýine úlken úles qosqan. Al endi «Máńgilik el» saiabaǵy elimizdi máńgilik elge ainaldyrý jumysy júrip jatyr. Minekei, sonyń bir aiǵaǵy búgingi «Máńgilik el» saiabaǵynyń ashylýy bolsa kerek.
