Túrkistan oblysynda Qytai azamatyna qatysty jynystyq zorlyq deregi boiynsha qylmystyq is tergelip jatyr. Áleýmettik jelide kúdikti retinde Báidibek aýdandyq máslihatynyń depýtaty Erǵali Amanbaevtyń aty atalyp júr, dep habarlaidy dalanews.kz Ulysmedia.kz-ke siltep.
Jelide taraǵan málimetke súiensek, "Almaty turǵyny Qytaidan kelgen investorlardy Baijansai aýylyna alyp barǵan. Sol kezde depýtat qonaqtardy qarsy alyp, 34 jastaǵy Qytai azamatyn Lexus kóligine otyrǵyzyp, elsiz jerge aparyp, oǵan kúsh kórsetken" degen aqparat jariialanǵan.
Túrkistan oblystyq Politsiia departamenti sotqa deiingi tergeý júrgizilip jatqanyn rastady.
"Bul derek boiynsha sotqa deiingi tergeý bastaldy. Kúdikti retinde Shymkent qalasynyń turǵyny anyqtalyp, qamaýǵa alyndy", - dedi politsiia.
Vedomstvo málimetinshe, qazir oqiǵanyń barlyq mán-jaiy anyqtalyp jatyr. Tergeý qupiiasyna bailanysty ózge aqparat jariialanbady.
