Túrkistan oblysynyń halqy 92,2 paiyz internetpen qamtylǵan.
Bul týraly brifingte Túrkistan oblysynyń tsifrlandyrý, memlekettik qyzmetter kórsetý jáne arhivter basqarmasynyń basshysy Marat Ainabekov málimdedi, dep habarlaidy Dalanews. kz Túrkistan oblysy ákimdiginiń baspasóz qyzmetine silteme jasap.
«Túrkistan oblysy aýmaǵyndaǵy 829 aýyldyq eldi mekenniń 690-ynda 4G jáne 3G mobildi internet jelisi bar. Qalǵan 139 eldi mekenniń 100-i 2G mobildi bailanys jelisimen qamtylǵan. Al 39 eldi mekende uialy bailanys múldem joq. Qazirgi ýaqytta ortalyq atqarýshy organdarmen «Qoljetimdi ǵalamtor» ulttyq jobasy aiasynda eldi mekenderdi talshyqty-optikalyq bailanys jelilerimen qamtý júrgizilýde.
Sondai-aq, oblys aýmaǵyna tiesili 650 shaqyrym respýblikalyq jáne negizgi oblystyq joldardy tolyǵymen mobildi internet jelisimen qamtý maqsatynda qosymsha 14 bazalyq stantsiia ornatý úshin «Ksell» AQ-men kelisim-shart jumystary júrgizilýde. Odan bólek, óńirdegi Túrkistan qalasy ákimdigi, «Kongress Holl» saraiy, «Túrkistan Arena» stadiony, avtovokzal, «Farab» kitaphanasy, «Batyr» jastar saraiy, Kerýen sarai, Túrkistan qalasynyń áýejaiy jáne «Rixos» qonaq úii siiaqty mańyzdy týristik nysandarynda 5G mobildi interneti iske qosylǵan. Sonymen qatar, Túrkistan oblysyna qarasty 911 memlekettik mekteptiń barlyǵy internet jelisimen qamtylǵan»,- dedi Marat Ainabekov.
Marat Ainabekovtyń sózinshe, oblysta qoǵamdyq qaýipsizdik qamtamasyz etý maqsatynda 912 jalpy beinebaqylaý kameralary bar. Odan bólek, jol qaýipsizdigin qamtamasyz etý úshin 179 núktede apparattyq-baǵdarlamalyq keshender iske qosylǵan.
Biyl qosymsha 50 apparattyq-baǵdarlamalyq keshen («Sergek», «Mergen») men 200 beinebaqylaý kameralaryn ornatý josparlanýda. Sonymen qatar, basqarma tarapynan «2GIS» kompaniiasymen Túrkistan qalasynyń avtoparkiniń barlyq avtobýstaryna GPS treker ornatý boiynsha kelissózder júrgizilýde.
