تۇركىستان وبلىسىنىڭ حالقى 92،2 پايىز ينتەرنەتپەن قامتىلعان.
بۇل تۋرالى بريفينگتە تۇركىستان وبلىسىنىڭ سيفرلاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ باسشىسى مارات اينابەكوۆ مالىمدەدءى، دەپ حابارلايدى Dalanews. kz تۇركىستان وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.
«تۇركىستان وبلىسى اۋماعىنداعى 829 اۋىلدىق ەلدى مەكەننىڭ 690-ىندا 4G جانە 3G ءموبيلدى ينتەرنەت جەلىسى بار. قالعان 139 ەلدى مەكەننىڭ 100ء-ى 2G ءموبيلدى بايلانىس جەلىسىمەن قامتىلعان. ال 39 ەلدى مەكەندە ۇيالى بايلانىس مۇلدەم جوق. قازىرگى ۋاقىتتا ورتالىق اتقارۋشى ورگاندارمەن «قولجەتىمدى عالامتور» ۇلتتىق جوباسى اياسىندا ەلدى مەكەندەردى تالشىقتى-وپتيكالىق بايلانىس جەلىلەرىمەن قامتۋ جۇرگىزىلۋدە.
سونداي-اق، وبلىس اۋماعىنا تيەسىلى 650 شاقىرىم رەسپۋبليكالىق جانە نەگىزگى وبلىستىق جولداردى تولىعىمەن ءموبيلدى ينتەرنەت جەلىسىمەن قامتۋ ماقساتىندا قوسىمشا 14 بازالىق ستانسيا ورناتۋ ءۇشىن «كسەلل» اق-مەن كەلىسىم-شارت جۇمىستارى جۇرگىزىلۋدە. ودان بولەك، وڭىردەگى تۇركىستان قالاسى اكىمدىگى، «كونگرەسس حولل» سارايى، «تۇركىستان ارەنا» ستاديونى، اۆتوۆوكزال، «فاراب» كىتاپحاناسى، «باتىر» جاستار سارايى، كەرۋەن ساراي، تۇركىستان قالاسىنىڭ اۋەجايى جانە «Rixos» قوناق ءۇيى سياقتى ماڭىزدى تۋريستىك نىساندارىندا 5G ءموبيلدى ينتەرنەتى ىسكە قوسىلعان. سونىمەن قاتار، تۇركىستان وبلىسىنا قاراستى 911 مەملەكەتتىك مەكتەپتىڭ بارلىعى ينتەرنەت جەلىسىمەن قامتىلعان»،- دەدى مارات اينابەكوۆ.
مارات اينابەكوۆتىڭ سوزىنشە، وبلىستا قوعامدىق قاۋىپسىزدىك قامتاماسىز ەتۋ ماقساتىندا 912 جالپى بەينەباقىلاۋ كامەرالارى بار. ودان بولەك، جول قاۋىپسىزدىگىن قامتاماسىز ەتۋ ءۇشىن 179 نۇكتەدە اپپاراتتىق-باعدارلامالىق كەشەندەر ىسكە قوسىلعان.
بيىل قوسىمشا 50 اپپاراتتىق-باعدارلامالىق كەشەن («سەرگەك»، «مەرگەن») مەن 200 بەينەباقىلاۋ كامەرالارىن ورناتۋ جوسپارلانۋدا. سونىمەن قاتار، باسقارما تاراپىنان «2GIS» كومپانياسىمەن تۇركىستان قالاسىنىڭ اۆتوپاركىنىڭ بارلىق اۆتوبۋستارىنا GPS ترەكەر ورناتۋ بويىنشا كەلىسسوزدەر جۇرگىزىلۋدە.
