Jańa oqý jylynda oblystyq bilim basqarmasynyń «Bilim berýdi damytý ortalyǵy» KMM 2024-2025 jyldarǵa arnalǵan «Barshaǵa qoljetimdi sapaly bilim» ulttyq baıandamasy aıasynda Túrkistan oblysynda iske asyrylatyn Jol kartasyna sáıkes «Daryn teacher» JSHS-men birlese otyryp halyqaralyq oqytý kýrsyn uıymdastyrdy, dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Kýrs úsh kezeń boıynsha uıymdastyryldy. Birinshi kezeń onlaın formatta ótti. Nátıjesinde úzdik dep tanylǵandar Almaty qalasynda irikteldi. Sońynda eki kezeńnen ótken pedagogtar Malaızıa jáne Sıngapýrǵa attandy.
Halyqaralyq oqytý kýrsynyń úshinshi kezeńi 2024 jyldyń 24 qarashasy men 30 qarashasy aralyǵynda «Muǵalimderdiń bolashaqtaǵy jáne zamanaýı bilim berý sapasyn arttyrý» taqyrybynda ótýde.
Kýrstyń alǵashqy kúni pedagogter Malaızıa astanasy Kýala-Lýmpýr qalasynda ornalasqan «Musium Negara Kuala Lumpur» tarıhı murajaıyna baryp, el tarıhymen, mádenıetimen tanysty. Murajaıda ejelgi tas dáýiriniń buıymdary, malaı halqynyń ulttyq kıimderi men turmystyq zattar, monarh taǵy jáne taǵy basqa qundy jádigerler qoıylǵan.
Kúnniń ekinshi jartysynda pedagogter Kýala-Lýmpýr qalasynyń kórikti oryndaryna saıahat jasady. 88 qabattan turatyn, bıiktigi 451 metr álemge áıgili «Petronas» qos munarasyna baryp, sáýlet óneriniń jetistikterimen tanysty.
Munarada ornalasqan okenarıým pedagogtar úshin erekshe áser qaldyrdy. Sonymen qatar «Taman botani perdana» botanıkalyq baǵyna baryp, san túrli ósimdikter áleminiń ǵajaıyptaryna kýá boldy.
