Túrkistan oblysynyń ortalyǵyna jańa ákim taǵaiyndaldy
Á.Óserbaev 1961 jyly týǵan, bilimi joǵary, mamandyǵy boiynsha biliktiligi injener-himik-tehnolog. Eńbek jolyn 1983 jyly Qaraǵandy asbest-tsement ónimderin shyǵaratyn zaýytynyń mashinisti retinde bastaǵan. 1986-2014 jyldary Túrkistan qalasy qurylys detaldary men konstrýktsiialary kombinaty zerthanasynyń injeneri, masteri, ekonomisti, tseh bastyǵy, bas injeneri, «Qýat Sýindýstriia» AQ, «KazakhConstruction Industry» AQ Túrkistan qalasy rýdasyz materialdar kombinaty filialdarynyń direktory, Túrkistan qalalyq máslihaty hatshysynyń mindetin ýaqytsha atqarýshy, Túrkistan qalasy qurylys bóliminiń meńgerýshisi, Kentaý, Túrkistan qalalary ákimderiniń orynbasary, Túrkistan qalasynyń ákimi, oblystyq kásipkerlik jáne indýstriialdy-innovatsiialyq damý basqarmasynyń basshysy, Ońtústik Qazaqstan oblysy Túrkistan qalasynyń ákimi bolyp laýazymdaryn atqarǵan. 2017 jyldyń jeltoqsan aiynan bastap Ońtústik Qazaqstan oblysy ákiminiń birinshi orynbasary laýazymynda qyzmet etip keldi.
Óńir basshysy Janseiit Qanseiituly tarihi ári syndarly kezeńde Túrkistan qalasynyń ákimine jáne ákimdik qurylymdaryna artylatyn jaýapkershiliktiń júgi aýyr ekendigin jetkizdi.
«Túrkistanǵa «tek qazaq eliniń ǵana emes, búkil túrki jurtynyń ziiarat jasaityn qasterli orny» dep baǵa bergen Elbasy onyń rýhani ómirinde Qoja Ahmet Iasaýi kesenesiniń úlken orny bar ekenin, tarihy tereń Túrkistannyń týrizm úshin de mańyzdylyǵy erekshe ekendigin jáne qalanyń toǵyz joldyń torabynda ornalasýy syrtqy jáne ishki týrister men jergilikti turǵyndar úshin qolaily ekendigin basa aitty, demek osy múmkindikterdi tiimdi paidalaný qajet», - dedi oblys ákimi.
Sondai-aq, qala ákimine Túrkistan qalasynyń Bas josparyn tezdetip ázirleýdi, zaman talabyna sai qalanyń damý dinamikasyn odan ári arttyrýǵa qajetti baǵyttardy jetildirýdi jáne turǵyndar men týristerge qolaily jaǵdai jasaý maqsatynda qalanyń infraqurylymyn qalyptastyrýdy tapsyrdy.
Budan ózge, óńir basshysy Janseiit Qanseiituly indýstrialdy aimaqta ornalasatyn innovatsiialyq-investitsiialyq jobalardy kóptep tartý, shaǵyn jáne orta biznesti jetildire otyryp, óndiristi damytý, qalanyń logistikalyq múmkindigin arttyrý, qalany týrizm ortalyǵy retinde damytý boiynsha naqty sharalardy qabyldaý qala ákiminiń basty ustanymy bolýy kerektigin aitty.
– Eń bastysy Túrkistandy elimizdiń rýhani tiregi ekendigin umytpaýymyz qajet. Osy turǵyda búkil túrki álemi kóz tikken jaýhar qaladaǵy árbir ótkizilgen is-sharalar men tarihi oqiǵalar egemen elimizdiń mereii ekendigi árqashanda jadymyzda bolýy tiis, – dep túiindedi oblys ákimi.
Jiyn sońynda óńir basshysy Janseiit Túimebaev tarihi kezeń toǵysynda Túrkistan oblysynyń áleýmettik-ekonomikalyq damýyna úles qosyp júrgen bir top belsendi azamattardy marapattady.
