Búgin Túrkistan oblysy jolaýshylar kóligi jáne avtomobil joldary basqarmasynyń uiymdastyrýymen «Qazaqstan jol ǵylymi-zertteý institýty», «Ulttyq jol aktivteri sapasy ortalyǵy» RMK, Túrkistan oblysy men Shymkent qalasyndaǵy filialy, Shymkent qalasynyń salalyq basqarmasy, oblysymyzdaǵy jol salýshy merdiger, avtorlyq, tehnikalyq qadaǵalaýshy mekemeleri jáne aýdan, qala ákimdikteriniń qatysýymen keńeitilgen jiyn ótti, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynda avtomobil joldaryn tsifrlandyrý baǵytynda birqatar sharalar júzege asyrylýda. Atap aitqanda, Túrkistan qalasyndaǵy eki jolaýshylar tasymaly baǵytynyń avtobýstaryna jol aqysyn elektrondy tóleý júiesi joba engizilip, jolaýshylarǵa qyzmet etýde.
Bul joba aiasynda qaladaǵy avtobýsqa planshetter men 120 QR-kod ornatylyp, jolaýshylarǵa yńǵaily tólem ádisteri usynyldy. Sonymen qatar, qoǵamdyq kólikterdiń qozǵalysyn baqylaý maqsatynda dispetcherlik ortalyq iske qosyldy, bul avtobýstardyń GPS trekerlerimen jabdyqtalýy arqyly múmkin boldy.
Oblystaǵy aýdanaralyq jáne oblysaralyq turaqty baǵyttardaǵy 594 jolaýshy tasymaldaityn kólik quralynyń barlyǵyna GPS qurylǵylary ornatyldy. Bul sharalar jolaýshylar tasymalynyń sapasyn arttyrýǵa jáne kólik qozǵalysyn tiimdi basqarýǵa múmkindik beredi.
Jalpy, Túrkistan oblysynda kólik salasyn tsifrlandyrý boiynsha birqatar jobalar júzege asyrylyp, jolaýshylar tasymaly men jol qozǵalysyn basqarý sapasy arttyrylýda.
Májilis barysynda avtomobil joldary salasy boiynsha ózekti máseleler ortaǵa salyndy. Naqtyraq aitqanda, jol jóndeý jumystaryna jańa tehnologiialardy qoldaný, smetalyq qujattamalardy ázirleý kezinde normativtik bazaǵa engizilip jatqan ózgerister jáne karerlerdiń biryńǵai elektrondyq bazasyn qalyptastyrý, avtorlyq, tehnikalyq qadaǵalaýshy mekemeler tarapynan týyndaityn suraqtar jáne oblystaǵy jol mamandaryn qaita daiarlaýdan ótkizý boiynsha naqty málimetter berildi.
Jiyn barysynda «QazjolǴZI» Prezidenti Alibaeva Arman jáne «Ulttyq jol aktivteri sapasy ortalyǵy» RMK Bas direktory Aitbaev Bolatbek baiandama jasap, ózekti máselelerge keńinen toqtalyp ótti. Sondai-aq merdiger mekemelerdiń jáne aýdan, qala ákimdikteriniń usynys-pikirlerin tyńdap, suraqtaryna jaýap berdi.
