Oblystyq Densaýlyq saqtaý basqarmasynyń málimetinshe, búginde zamanaýi qondyrǵylar Tóle bi, Arys aýdandaryndaǵy emdeý oryndary men Túrkistan qalalyq ortalyq balalar aýrýhanasyna jetkizilgen. Meditsinalyq mekemelerdiń árqaisysyna 190 kompiýterden berildi. Osylaisha, óńirdegi aýrýhanalar men emhanalardy qosa eseptegende, barlyq meditsinalyq pýnktter men feldsherlik-akýsherlik pýnktter kompiýtermen tolyq jabdyqtaldy.
Aldaǵy bir aidyń ishinde mundai tehnikamen Túrkistan oblysynyń aýdan jáne aýyldyq jerlerinde ornalasqan barlyq meditsinalyq mekemeleri qamtylady. Jańa tehnologiialar arqyly oblystaǵy árbir turǵynnyń elektrondyq densaýlyq pasporty bolady. Al keler jyldan bastap nárestelerdiń týǵannan bergi barlyq málimetteri osy densaýlyq pasportyna jazylyp turady.
Aita keteiik, óńirdegi densaýlyq saqtaý salasynyń sandyq júiege kóshý jumysy tórt baǵytta júzege asýda.
Olar — emdeý jáne aldyn alý, aýrýdy erte anyqtaý, meditsinalyq kómek kórsetý, aýrýdy basqarý ári ońaltý. Búginde oblystaǵy meditsinalyq mekemelerde kompiýtermen qamtamasyz etý deńgeii 69 paiyzdy qurap otyr.
Óńirdegi aýdan ortalyqtary men qalalar tolyqtai internet júiesine qosylǵan. Shalǵai aýmaqtarda ornalasqan eldimekenderdi ǵalamtorǵa qosý 2021 jylǵa deiin josparlanǵan. Al 38 emdeý mekemesi meditsinalyq aqparattyq júiege qosylǵan
