Túrkistan oblysyndaǵy 61 aýyl ishimdik satýdan bas tartty. Bul jaily Túrkistan oblysy Politsiia departamentiniń bastyǵy Murat Qabdenov oblys turǵyndaryna onlain rejimde esep berý kezinde málimdedi, dep habarlaidy Dalanews.kz
17 aýdannyń politsiia basshylyǵy jiynǵa beineselektor arqyly qosyldy. Esep berý transliatsiiasy departamenttiń resmi paraqshasynda tikelei efirde júrgizildi.
«Oblys boiynsha 61 aýyl ishimdik satýdan bas tartty. Bul araqsyz aýyldar quqyq buzýshylyq pen qylmystyń aldyn alýda mańyzdy ról atqarady. Atalmysh aýyldarda sońǵy birer jylda qylmys tirkelmegen, tártip pen tynyshtyq ornaǵan. Osyndai berekeli aýyldar ózgelerge úlgi bolýy tiis»,- dep atap ótti general Murat Qabdenov óz baiandamasynda.
Sondai-aq «Zań men tártip» qaǵidaty boiynsha óńirde atqarylyp jatqan profilaktikalyq jumystar men QR IIM E.Sádenovtiń 2025 jyldy «Profilaktika jyly» dep belgileýine bailanysty ótkizilip jatqan is-sharalardy tilge tiek etti. Qylmys deńgeii azaiǵanyn jetkizdi.
Máselen Túrkistan oblysynda 2024 jyly tirkelgen qylmystyq quqyq buzýshylyq sany 3,2 paiyzǵa tómendegen. Urlyq – 38,7%-ǵa, mal urlyǵy – 43,7%-ǵa azaiǵan. Páter urlyǵyn jasaǵan 8, alaiaqtyq qylmystaryn jasaǵan 23, mal urlaýmen ainalysqan 16 qylmystyq top ustalǵan.
