Túrkistan oblysynyń 177 eldi meken talshyqty optikalyq bailanys júiesi tartylady
Túrkistan oblysyndaǵy qarapaiym halyqtyń airyqsha suranysqa ie joǵary jyldamdyqtaǵy internet jelisimen qamtamasyz etý jolynda kóptegen jumystar atqarylýda. Sapaly ǵalamtordyń qoljetimdilikti qamtamasyz etý úshin talshyqty optikalyq bailanys júieleriniń mańyzy zor. Talshyqty optikalyq bailanys júiesi turǵyndardyń elektrondy memlekettik qyzmetke, qashyqtyqtan oqytýǵa jáne telemeditsina salasyna qol jetimdiligin arttyrady. Sondai-aq, bul júie shaǵyn biznesti damytýdyń da kókjiegen keńeitetini anyq.
Osy rette Ońtústik óńirlik telekommýnikatsiialar direktsiiasy Túrkistan, Qyzylorda jáne Jambyl oblystary aýmaǵynda talshyqty optikalyq bailanysty jobalaý men salý boiynsha kóptegen jobalardy iske asyrýdy josparlap otyr. Al, talshyqty optikalyq bailanys jelisi degenimiz – málimetterdi jaryq kómegimen berýge arnalǵan kúrdeli kabelder júiesi. Onyń jetkizý jyldamdyǵy men sapasy óte joǵary bolmaq. Basqa elektr bailanys jelilerine qaraǵanda aqparat berý jyldamdyǵynyń joǵarylyǵymen (100 shaqyrymnan asatyn qashyqtyqqa 107-109 bit/s), az shyǵyndalýyna bailanysty alys qashyqtyqqa aqparatty retransliatorsyz jetkizý múmkindigimen, paidalanýǵa ikemdiligimen jáne arzandyǵymen erekshelenedi.
«Qazaqtelekom» AQ «talshyqty optikalyq bailanys jelileri tehnologiialaryn qoldaný arqyly Qazaqstan Respýblikasynyń aýyldyq eldi mekenderinde internetke keń jolaqty qoljetimdilikti qamtamasyz etý» jobasy sheńberinde biyl Túrkistan oblysynyń birneshe aýylynda talshyqty optikalyq jelisiniń qurylysyn aiaqtady.
Bul jobaǵa 250 myńnan astam turǵyny bar 177 eldi meken qamtylsa, ázirge 5 aýylda qurylysy aiaqtalyp, olar qazan aiynda iske qosyldy. Atap aitqanda, bulardyń qataryna Qosmezgil, Qurama, Jetkinshek, Shypan jáne Qyzylqum aýyldary kirip otyr. Atalmysh eldi mekenderde ornalasqan memlekettik organdardy joǵary jyldamdyqtaǵy internetpen qamtamasyz etý úshin 2966 metrdi quraityn optikalyq kabel tóselgen. Qalǵany keler jyldyń enshisinde tur.
Dalanews.kz
