Jetisaı aýdany Alǵabas aýylyndaǵy jeke úıde shyqqan órttiń aldyn ala sebebi - turmystyq elektr qurylǵylary qosylǵan jelilik súzginiń (setevoı fıltr) isten shyǵýy bolýy múmkin,dep habarlaıdy Dalanews.kz.
Degenmen naqty qorytyndy barlyq saraptamalar men tergeý aıaqtalǵannan keıin ǵana jarıalanady.
Túrkistan oblysy TJD memlekettik órt baqylaý basqarmasy bastyǵynyń orynbasary Jasulan Aınabekovtyń aıtýynsha, órt týraly habar ertemen túsken. Oqıǵa ornyna jedel túrde jeke quramnyń 8 qyzmetkeri men eki tehnıka attanǵan.
"Qazir oqıǵa ornynda oblystyq TJD-nyń órt-tehnıkalyq zerthana mamandary jumys istep jatyr. Aldyn ala boljam boıynsha, órttiń shyǵýyna elektr qurylǵylary qosylǵan jelilik súzginiń aqaýy sebep bolýy múmkin. Alaıda zerthananyń qorytyndysy áli daıyn emes. Qazirgi ýaqytta órt faktisi boıynsha tekseris taǵaıyndaldy, qajetti sharalar júrgizilip jatyr. Órttiń naqty sebebi anyqtalǵan soń qosymsha málimet beriledi", - dedi Jasulan Aınabekov Jibek Joly telearnasyna bergen suhbatynda.
Eske salaıyq, keshe jeke úıdegi órt saldarynan 12 adam qaza tapty, toǵyzy - balalar.
Málimetke súıensek, órtten qaza tapqan marqumdar - bir áýlettiń músheleri.
