جەتىساي اۋدانى العاباس اۋىلىنداعى جەكە ۇيدە شىققان ءورتتىڭ الدىن الا سەبەبى - تۇرمىستىق ەلەكتر قۇرىلعىلارى قوسىلعان جەلىلىك سۇزگىنىڭ (سەتيەۆوي فيلتر) ىستەن شىعۋى بولۋى مۇمكىن،دەپ حابارلايدى Dalanews.kz.
دەگەنمەن ناقتى قورىتىندى بارلىق ساراپتامالار مەن تەرگەۋ اياقتالعاننان كەيىن عانا جاريالانادى.
تۇركىستان وبلىسى تجد مەملەكەتتىك ءورت باقىلاۋ باسقارماسى باستىعىنىڭ ورىنباسارى جاسۇلان اينابەكوۆتىڭ ايتۋىنشا، ءورت تۋرالى حابار ەرتەمەن تۇسكەن. وقيعا ورنىنا جەدەل تۇردە جەكە قۇرامنىڭ 8 قىزمەتكەرى مەن ەكى تەحنيكا اتتانعان.
"ءقازىر وقيعا ورنىندا وبلىستىق تجد-نىڭ ورت-تەحنيكالىق زەرتحانا ماماندارى جۇمىس ىستەپ جاتىر. الدىن الا بولجام بويىنشا، ءورتتىڭ شىعۋىنا ەلەكتر قۇرىلعىلارى قوسىلعان جەلىلىك سۇزگىنىڭ اقاۋى سەبەپ بولۋى مۇمكىن. الايدا زەرتحانانىڭ قورىتىندىسى ءالى دايىن ەمەس. قازىرگى ۋاقىتتا ءورت فاكتىسى بويىنشا تەكسەرىس تاعايىندالدى، قاجەتتى شارالار جۇرگىزىلىپ جاتىر. ءورتتىڭ ناقتى سەبەبى انىقتالعان سوڭ قوسىمشا مالىمەت بەرىلەدى"، - دەدى جاسۇلان اينابەكوۆ Jibek Joly تەلەارناسىنا بەرگەن سۇحباتىندا.
ەسكە سالايىق، كەشە جەكە ۇيدەگى ءورت سالدارىنان 12 ادام قازا تاپتى، توعىزى - بالالار.
مالىمەتكە سۇيەنسەك، ورتتەن قازا تاپقان مارقۇمدار - ءبىر اۋلەتتىڭ مۇشەلەرى.
