Elimiz boıynsha apatty dep tanylǵan 45 bilim oshaǵynyń 3/1-i osy óńirge tıesili. Qazir 9 mekteptiń qurylysy júrip jatyr.
Túrkistan oblysynda 1029 mektep bolsa, sonyń 10-y úsh aýysymdy, 12-si apatty jaǵdaıda.
Olardyń jeteýi – Saryaǵash, úsheýi Qazyǵurt, qalǵan ekeýi Maqtaaral men Saıram aýdandarynda ornalasqan
.
Osy máseleni sheshý úshin respýblıkalyq jáne oblystyq búdjetten 5652,14 mln teńge qarjy qarastyrylǵan. Qazir 9 mekteptiń qurylysy júrip jatyr.
Nurjan İztileýov, oblystyq bilim basqarmasy basshysynyń orynbasary:
- 2018 jyldyń qorytyndysymen 9 apatty jáne 5 úsh aýysymdy mekteptiń máselesi sheshiledi. Demografıalyq ósim óte joǵary. Sondyqtan 3 aýysymdy mekteptiń problemasy jyl saıyn shyǵyp jatyr. 2017-2018 oqý jyly bizde 51 myń bala 1 synypqa barsa, 2018-2019 jyly 55 myń bala, ıaǵnı 5 myń bala artyq keledi dep josparlanyp otyr. Bul Shymkent qalasyn qospaǵanda.
Búginde Qazyǵurt pen Maqtaaral aýdanyndaǵy apatty 2 mekteptiń ornyna salynǵan jańa nysannyń qurylysy tapsyryldy. Oblystaǵy jaýapty mamandardyń aıtýynsha, keler jyly aımaqtaǵy apatty mektepterdiń bári joıylady.
