ەلىمىز بويىنشا اپاتتى دەپ تانىلعان 45 ءبىلىم وشاعىنىڭ 3/1ء-ى وسى وڭىرگە تيەسىلى. ءقازىر 9 مەكتەپتىڭ قۇرىلىسى ءجۇرىپ جاتىر.
تۇركىستان وبلىسىندا 1029 مەكتەپ بولسا، سونىڭ 10-ى ءۇش اۋىسىمدى، 12ء-سى اپاتتى جاعدايدا.
ولاردىڭ جەتەۋى – سارىاعاش، ۇشەۋى قازىعۇرت، قالعان ەكەۋى ماقتاارال مەن سايرام اۋداندارىندا ورنالاسقان
.
وسى ماسەلەنى شەشۋ ءۇشىن رەسپۋبليكالىق جانە وبلىستىق بيۋدجەتتەن 5652،14 ملن تەڭگە قارجى قاراستىرىلعان. ءقازىر 9 مەكتەپتىڭ قۇرىلىسى ءجۇرىپ جاتىر.
نۇرجان ىزتىلەۋوۆ، وبلىستىق ءبىلىم باسقارماسى باسشىسىنىڭ ورىنباسارى:
- 2018 جىلدىڭ قورىتىندىسىمەن 9 اپاتتى جانە 5 ءۇش اۋىسىمدى مەكتەپتىڭ ماسەلەسى شەشىلەدى. دەموگرافيالىق ءوسىم وتە جوعارى. سوندىقتان 3 اۋىسىمدى مەكتەپتىڭ پروبلەماسى جىل سايىن شىعىپ جاتىر. 2017-2018 وقۋ جىلى بىزدە 51 مىڭ بالا 1 سىنىپقا بارسا، 2018-2019 جىلى 55 مىڭ بالا، ياعني 5 مىڭ بالا ارتىق كەلەدى دەپ جوسپارلانىپ وتىر. بۇل شىمكەنت قالاسىن قوسپاعاندا.
بۇگىندە قازىعۇرت پەن ماقتاارال اۋدانىنداعى اپاتتى 2 مەكتەپتىڭ ورنىنا سالىنعان جاڭا نىساننىڭ قۇرىلىسى تاپسىرىلدى. وبلىستاعى جاۋاپتى مامانداردىڭ ايتۋىنشا، كەلەر جىلى ايماقتاعى اپاتتى مەكتەپتەردىڭ ءبارى جويىلادى.
