Túrkistan oblysy Ordabasy aýdany Tórtkúl aýylynda máiiti jol jieginen tabylǵan 16 jastaǵy qyzdyń ólimi boiynsha is qylmystyq ister jónindegi aýdanaralyq sotta jabyq formatta qaralady. Is Qylmystyq kodekstiń "Adam óltirý" baby, "Zorlaý" baby jáne "Seksýaldyq sipattaǵy zorlyq-zombylyq áreketteri" babymen túsken, dep habarlaidy Dalanews.kz otyrar.kz-ke siltep.
Qaiǵyly oqiǵa biyl 6 maýsymǵa qaraǵan túni bolǵan. Aýyl turǵyndarynyń sózinshe, qyz óz otbasynyń dúkeninen úiine qarai shyǵyp, joǵalyp ketken. Úiine oralmaǵan qyzdy týystary men aýyldastary politsiiamen birge túnimen izdep, tappaǵan.
Tańerteń politsiia marqumnyń máiitin jol jieginde ornalasqan balabaqsha qorshaýynyń mańynan tapqan.
Basylym málimetinshe, aýyl turǵyndary qyzdyń máiiti tabylǵan kúni marqumnyń otbasynyń dúkeni janynda ornalasqan naýbaihanada jumys isteitin eńbek migrantyn politseiler ustaǵanyn aitqan. Artynsha aýylda bailanys úzilip, kúzet kúsheigen.
